आता झिशान सिद्दीकींच्या जीवाला धोका? आरोपीच्या मोबाइलमध्ये सापडला फोटो
Baba Siddique Murder: बाबा सिद्दीकी यांची गोळा झाडून हत्या करण्यात आली. या प्रकरणात धक्कादायक खुलासा झाला आहे.
)
Baba Siddhique Murder Case : महाराष्ट्रात एनसीपीचे ज्येष्ठ नेता बाबा सिद्दीकी हत्या प्रकरणात मोठा खुलासा समोर आला आहे. पोलिसांच्या तपासात अटक केलेल्या केला आरोपीच्या मोबाइलमध्ये बाबा सिद्दीकींचा मुलगा आणि आमदार झिशान सिद्दीकींचा फोटो मिळाला आहे. पोलिसांनी सांगितलं की, हा फोटो आरोपींना त्यांच्या हँडलरने स्नॅपचॅटच्या माध्यमातून पाठवला आहे.
चौकशीत मिळालेल्या माहितीनुसार, शूटर्स आणि कट रचणारा एकमेकांना स्नॅपचॅटच्या माध्यमातून मॅसेज पाठवायचाय लॉरेन्स बिश्नोई गँगच्या हँडलरकडून मिळालेल्या स्नॅपचॅटवर इंस्ट्रक्शननंतर हा मॅसेज डिलिट करण्यात आला. क्राइम ब्रांचच्या शुभम लोणकर, झिशान अख्तर आणि शिवकुमार गौतमच्या विरोधात लुकआऊट सर्क्युलर जाहीर करण्यात आला आहे.
यापूर्वी मागितले होते एक कोटी
आरोपी राम कनोजियाने पोलिस चौकशीत झीशान सिद्दीकीही आपले लक्ष्य असल्याची कबुली दिली आहे. एवढेच नाही तर यापूर्वी बाबा सिद्दीकी यांना मारण्यासाठी एक कोटी रुपयांची मागणी करण्यात आली होती. शूटर्स आमदार झीशान सिद्दीकी यांना मारण्याचा कट रचत होते. याच कारणावरून आरोपींनी झिशान सिद्दीकी यांच्या कार्यालयाची रेखी केली होती आणि बाबा सिद्दीकी यांना त्या कार्यालयाजवळ गोळ्या झाडल्या होत्या.
बाबा सिद्दीकी हत्येप्रकरणी पोलिसांनी आणखी काही जणांना अटक केली आहे. यासह याप्रकरणी एकूण 9 संशयितांना अटक करण्यात आली आहे. रायगड जिल्ह्यातील कर्जत आणि पनवेल शहरात छापे टाकून ही अटक करण्यात आली. कोर्टात हजर केल्यानंतर आरोपींना 25 ऑक्टोबरपर्यंत पोलिस कोठडी सुनावण्यात आली आहे. सर्व आरोपींचा लॉरेन्स बिश्नोई टोळीशी संबंध असल्याचा संशय आहे.
बाबा सिद्दीकींचा सुरक्षारक्षक निलंबित
बाबा सिद्दीकी यांच्या हत्येवेळी त्याच्यासोबत असलेले सुरक्षारक्षक श्याम सोनवणे यांना निलंबित करण्यात आले आहे. बाबा सिद्दीकी यांच्यावर गोळीबार करणाऱ्या आरोपींवर कॉन्स्टेबलने कोणतीही कारवाई केली नसल्याचे पोलिसांनी सांगितले.
युपीच्या तीन पोलीस कर्मचाऱ्यांनाही निलंबित
लॉरेन्स बिश्नोई टोळीचा शार्पशूटर योगेश याचे रिफायनरी पोलीस ठाण्यात पोलीस कोठडीत असतानाचे व्हिडीओ स्टेटमेंट व्हायरल झाल्यानंतर तीन पोलिसांना निलंबित करण्यात आले आहे. दिल्ली स्पेशल सेल आणि मथुरा पोलिसांच्या संयुक्त कारवाईत मथुराचे एसएसपी शैलेश पांडे यांनी दिल्लीतील एका खून प्रकरणात सहभागी असलेल्या योगेशला अटक केली आहे.