महिलांच्या कपड्यांमध्ये का असतात 'Plastic Loops'? 90% लोकांना माहिती नाही कारण
महिलांच्या कपड्यांना प्लास्टिकचे लूप तुम्हाला दिसतात. पण ते कशासाठी असतात आणि त्याचा वापर कशासाठी करायचा याबद्दल 90% लोकांना माहिती नसतं.
)
Fashion Tips in Marathi : महिलांचा आवडीचा विषय म्हणजे कपडे आणि शॉपिंग...महिलांना शॉपिंग करण्यासाठी कारणांची गरज नसते. शॉपिंगसाठी ना त्यांना मूड लागतो. शॉपिंग हा महिलांचा सर्वात जिव्हाळ्याचा विषय असतो. महिलांचा कपाट्यात कितीही कपडे असले तरी ते कमीच असतात. पण तुम्ही कधी लक्षात घेतलंय का शॉपिंग मॉल किंवा चांगल्या ब्रँडचे कपडे खरेदी केल्यावर त्या कपड्यांना प्लास्टिकचा पातळ पट्टा म्हणजे प्लास्टिक लूप असतो. हा पट्टा सहसा टॉप, गाऊन, टी-शर्ट आणि बॉटम्समध्येही असतो. काही आउटफिट्समध्ये ते पारदर्शक पांढऱ्या रंगाचा असतो तर काही आउटफिट्समध्ये तो ड्रेसच्या रंगाच्या रिबनशी जुळणारा असतो.
या पट्ट्या बघून मनात पहिला विचार येतो की ते फक्त महिलांच्या कपड्यांमध्येच का असतात हे लूप आणि ते कधी आणि कसं वापरायचं हे 90 टक्के लोकांना माहिती नसतं. पुष्कळ वेळा आउटफिट घालताना या पट्ट्या नीट न लावल्यास ते कपड्यांबाहेर दिसू लागतात, जे खूप लाजिरवाण वाटतं. चला तर मग आज याचा उपयोग आणि याबद्दल टीप्स देणार आहोत.
आउटफिटमध्ये प्लास्टिकचे लूप का वापरले जातात?
कपडे लटकवताना ते हँगरमध्ये अडकून कपडे लटकवता यावेत म्हणून आउटफिटमध्ये प्लास्टिकचे लूप वापरले जातात. या मागे कारण असं आहे की, जर तुम्ही आउटफिट दुमडून हॅन्गरवर लटकवले तर ते चोळा होतं. त्याच वेळी, जर तुम्ही त्यांना नेकलाइन किंवा खांद्याच्या भागाद्वारे हॅन्गरमध्ये लावल्यास तर त्यांचे फिटिंग खराब होतं.
जर तुमच्या आउटफिटवर जड वर्क केले गेले असेल तर साहजिकच तुम्ही तो पोशाख फोल्ड करू शकत नाही. असे केल्यास त्यावर केलेले काम खराब होण्याची भीती असते. जड पोशाख दुमडला आणि त्यांना हॅन्गरवर लटकवणे देखील कठीण आहे. अशा परिस्थितीत हे प्लास्टिकचे लूप खूप उपयुक्त ठरतात. या लूपमुळे तुमचे कपडे हॅन्गरवर सुरक्षित राहतात शिवाय ते पडत नाहीत.
प्लास्टिक लूप कसे वापरावे?
असे बरेच वेळा घडते की कपडे घातल्यानंतर, हे प्लास्टिकचे लूप कधी बाहीच्या बाहेर दिसू लागतात तर कधी नेकलाइनमधून बाहेर येतात. याला तुम्ही फॅशन ब्लंडर म्हणू शकता. यामुळे तुमचा लुक तर खराब होतोच पण लोकांमध्ये तुम्हाला लाज वाटू लागते. त्यामुळे या लूपचा वापर कसा करायचा समजून घ्या.
जर प्लॅस्टिकच्या लूपची लांबी चांगली असेल तर तुम्ही त्यामध्ये मागील बाजूने हलकी गाठ बांधू शकता. लक्षात ठेवा की ही युक्ती फक्त तेव्हाच वापरून पहा जेव्हा तुमच्या आउटफिटची मागील नेकलाइन खोल नसेल. जर नेकलाइन खोल असेल तर लूप दृश्यमान होतील.
दुहेरी बाजू असलेला टेप वापरून तुम्ही हे लूप ब्रा बेल्टने ठीक करू शकता. असे केल्याने, हे लूप कपड्यांबाहेर दिसणार नाहीत किंवा त्यांच्यामुळे तुम्हाला अस्वस्थ वाटणार नाही.
जर तुम्ही हेवी स्लीव्हलेस गाऊन घातला असेल आणि त्यात हे लूप दिसत असतील, तर तुम्ही सेफ्टी पिनच्या मदतीने ते आउटफिटमध्ये लपवू शकता.
जर तुम्हाला प्लॅस्टिकच्या लूपमुळे त्वचेची ऍलर्जी होत असेल, तर त्यांना आउटफिटमधून काढून टाका. आवश्यक असल्यास, आपण आउटफिटमध्ये रिबन लूप टाकू शकता.