तुमच्या आधारकार्ड मधून आता कोणीही डेटा चोरु शकणार नाही... कसं ते जाणून घ्या

मुंबई : आपल्या सगळ्यांसाठी आधारकार्ड हा सर्वात महत्वाचं सरकारी कागदपत्र बनलं आहे. बँकापासून ते कोणत्याही सरकारी योजनांसाठी, तसेच अॅडमिशन पासून ते कुठेही फिरायला जाण्यासाठी आणि आपली ओळख पटवण्यासाठी आपल्याला आधारकार्ड गरजेचा आहे. त्यामुळे त्याला तुम्ही नीट जपून ठेवलं पाहिजे. तुमचे आधार कार्ड हरवले किंवा चोरीला गेले तर डेटा लीक होण्याचा धोका असतो. कोणतीही फसवणूक हाती आली, तर तुमच्या खात्यातून पैसेही चोरीला जाऊ शकतात. अशा प्रकारची फसवणूक टाळण्यासाठी UIDAI ने तुम्हाला तुमचा आधार लॉक करण्याची सुविधा दिली आहे. घरी बसून त्याचा ऑनलाइन वापर करून तुम्ही कोणत्याही प्रकारची फसवणूक टाळू शकता.

व्हर्च्युअल आयडी कसा मिळवायचा?

तुमचे आधार कार्ड लॉक करण्यासाठी तुम्हाला 16-अंकी व्हर्च्युअल आयडी आवश्यक आहे. तुमच्याकडे 16-अंकी व्हर्च्युअल आयडी नसल्यास, तुम्ही 1947 वर एसएमएस पाठवून ते मिळवू शकता. एकदा तुमच्याकडे व्हर्च्युअल आयडी झाल्यानंतर, तुमच्या फोनवरून आधार लॉक करणे तुमच्यासाठी सोपे होईल.

sms द्वारे आधार कार्ड कसे लॉक करावे

सर्वप्रथम तुम्हाला तुमच्या नोंदणीकृत मोबाईल नंबरवरून 1947 वर GETOTP टाइप करून एसएमएस पाठवावा लागेल. तुमच्या मोबाईलवर प्राप्त झालेला OTP LOCKUID टाईप करून पुन्हा तुमचा आधार क्रमांक 1947 वर एसएमएस करावा लागेल. यानंतर तुमचा आधार क्रमांक लॉक होईल आणि कोणीही त्याचा चुकीच्या पद्धतीने वापर करू शकणार नाही.

हे अनलॉक कसे करायचे?

जर तुम्हाला तुमचे आधार कार्ड आवश्यक असल्यास अनलॉक करायचे असेल, तर तुम्ही ते तुमच्या नोंदणीकृत मोबाईल नंबरवरून देखील करू शकता. तुम्ही 1947 वर GETOTP टाइप करून एसएमएस पाठवा आणि त्यानंतर व्हर्च्युअल आयडीच्या शेवटच्या 6 अंकांमध्ये स्पेस द्या. त्यानंतर 1947 ला UNLOCKUID पाठवा आणि त्यानंतर व्हर्च्युअल आयडी आणि ओटीपीचे शेवटचे 6 अंक टाकून स्पेस द्या. तुमचे आधार कार्ड पुन्हा अनलॉक होईल.