मगर सापडल्याने खळबळ

लातूरमध्ये मांजरा नदीजवळ आणखी एक मगर सापडल्याने खळबळ

जिल्ह्याच्या देवणी तालुक्यातील मांजरा नदीच्या परिसरातील गुरनाळ गावच्या शिवारात आणखी एक मगर सापडल्याने खळबळ उडाली आहे. रात्रीच्या सुमारास ही सहा फुटी मगर रस्त्याच्या कडेला असलेल्या एका झुडपात आढळून आली. त्यानंतर ग्रामस्थांनी उदगीरच्या वन्यजीव रक्षकांना बोलावले. ज्यात बाबा सय्यद, दीपक कासराळे, श्याम पिंपळे यांचा समावेश होता. या मगरीला बाहेर काढताना बाबा सय्यद यांच्या हाताला मगरीने चावा घेतला. मात्र किरकोळ दुखापत झाल्यानंतरही या तिघानीही ८० किलोच्या या मगरीला पकडून, बांधून ठेवले.