IND vs NZ : पावसाने टीम इंडियाचा खेळ केला खल्लास, आयसीसी रँकिमध्ये घसरण

Rain in India vs New Zealand 2nd ODI: भारत आणि न्यूझीलंड संघातला दुसरा वन डे सामना अखेर पावसाच्या सततच्या व्यत्ययामुळे रद्द करण्यात आला. (Team India) आजच्या दिवसात अवघ्या 12.5 ओव्हर्सचा खेळ झाला. नियोजित वेळेनुसार सामना सुरु झाला खरा पण दोन वेळा पावसानं हजेरी लावली आणि मॅचमध्ये अडथळा आणला. अखेर पाऊस थांबण्याची चिन्ह नसल्यानं आणि किमान 20 ओव्हर्सचा खेळही शक्य नसल्यानं शेवटी ही मॅच रद्द करण्यात आली. दरम्यान तीन सामन्यांच्या या मालिकेत न्यूझीलंडनं मात्र आपली आघाडी कायम ठेवली.  दरम्यान, आता मालिकेतील तिसरा आणि शेवटचा एकदिवसीय सामना 30 नोव्हेंबरला क्राइस्टचर्चमध्ये खेळवला जाईल.

हॅमिल्टनच्या सेडन पार्क मैदानावर झालेल्या या सामन्यादरम्यान पावसाने पुन्हा एकदा हजेरी लावली. न्यूझीलंडचा कर्णधार केन विल्यमसनने नाणेफेक जिंकून भारताला प्रथम फलंदाजीसाठी आमंत्रित केले. टीम इंडियाचा डाव सुरु असतानाच पावसाला सुरुवात झाली. त्यानंतर खेळ थांबविण्यात आला. 12.5 षटकांपर्यंत पावसाचा तडाखा बसला नाही, पण नंतर ढगांनी पाऊस थांबलाच नाही. त्यामुळे अधिकाऱ्यांनी सामना रद्द करण्याचा निर्णय घेतला. खेळ थांबला तेव्हा शुभमन गिल 42 चेंडूत 45 तर सूर्यकुमार यादव 25 चेंडूत 2 चौकार आणि 3 षटकारांच्या मदतीने 34 धावा खेळत होता. ( अधिक वाचा - India vs New Zealand : भारत विरुद्ध न्यूझीलंड सामन्यात पावसाचा खोडा )

9 वर्षांनंतर मालिका जिंकण्याची संधी  

9 वर्षांनंतर भारतीय संघाला न्यूझीलंडने आयोजित केलेल्या वनडे मालिकेत पराभूत करण्याची संधी होती. टीम इंडियाने 2013 मध्ये 5 सामन्यांच्या वनडे मालिकेत न्यूझीलंडचा 3-1 ने पराभव केला होता. आता 30 नोव्हेंबरला होणारी तिसरी वनडे भारताने जिंकली तर मालिका 1-1अशी बरोबरीत संपेल. त्याचबरोबर न्यूझीलंडला मालिका जिंकण्याची संधी आहे. दरम्यान, टीम इंडियाचे 112 रेटिंग गुण होते. मात्र, आता टीम इंडिया चौथ्या क्रमांकावर फेकली गेली आहे. टीम इंडियाचे 110 गुण झालेत. न्यूझीलंडसोबत पहिला सामना गमावल्यानंतर गुण कमी झालेत. तर ऑस्ट्रेलिया तिसऱ्या क्रमांकावर आहे.

सूर्यकुमार यादवचा अप्रतिम खेळ

सामना रद्द झाला असला तरी सूर्यकुमार यादव याने अप्रतिम खेळ दाखवला. त्याला फलंदाजीच्या क्रमाने बढती मिळाली आणि तो तिसऱ्या क्रमांकावर उतरला. त्याने येताच चौकार आणि षटकार मारले. तो 136 च्या स्ट्राईक रेटने खेळला. तिथेच. कर्णधार शिखर धवनच्या रूपाने भारताला एकमेव धक्का बसला. धवनने 10 चेंडूत 3 धावा केल्या, तो मॅट हेन्रीने लॉकी फर्ग्युसनच्या हाती झेलबाद केला. त्याच्याशिवाय गिलने 42 चेंडूंत नाबाद 4 चौकार आणि 1 षटकार ठोकला. मालिकेतील तिसरा आणि शेवटचा एकदिवसीय सामना 30 नोव्हेंबर रोजी क्राइस्टचर्च येथील हॅगली ओव्हल मैदानावर खेळवला जाईल.