डॉक्टरांचा निष्काळजीपणा महिलेला भोवला; 2 वर्षांनंतर पोटातून काढली कात्री

मध्य प्रदेशातील भिंड जिल्ह्यातून एक धक्कादायक घटना समोर आली आहे. याठिकाणी डॉक्टरांनी महिलेवर शस्त्रक्रिया करून तिच्या पोटातून कात्री काढली, तेव्हा पाहणारे सगळेच थक्क झाले. आता या महिलेची प्रकृती धोक्याबाहेर आहे, मात्र डॉक्टरांच्या म्हणण्यानुसार तिचा जीव जाऊ शकतो. या महिलेच्या पोटात दोन वर्षे कात्री राहिली. 

पोटात कात्री कशी पोहोचली?

आता प्रश्न असा पडतो की महिलेच्या पोटात कात्री कशी पोहोचली? तर ही घटना दोन वर्षांपूर्वी घडली, जेव्हा लिअरच्या शासकीय रुग्णालयात महिलेचे ऑपरेशन झाले होते. यावेळी डॉक्टरांनी त्याच्या पोटात कात्री सोडली. कमला असे या महिलेचे नाव आहे. मिळालेल्या माहितीनुसार, कमला यांचे 20 फेब्रुवारी 2022 रोजी ग्लॅलियर येथील सरकारी रुग्णालयात कर्करोगाचे ऑपरेशन झाले होते.

दोन वर्षांपूर्वी झाले होते ऑपरेशन

जिल्ह्यातील गोहड येथील सौंध गावात राहणाऱ्या कमलाबाई गेल्या दोन वर्षांपासून वेदनेने त्रस्त होत्या. कमलाबाईंचे पती कमलेश सांगतात की, वारंवार चाचण्या करून आणि महागडी औषधे घेऊनही आराम मिळत नव्हता. महागड्या औषधांवर गेल्या वर्षभरात खूप पैसा खर्च झाला आहे. काही लोकांकडून कर्जही घ्यावे लागले.

गेल्या काही दिवसांपासून महिलेच्या पोटात सतत दुखत होती. अनेकवेळा औषध घेऊनही वेदना कमी होत नसल्याने डॉक्टरांनी सीटी स्कॅन करण्याचा सल्ला दिला, त्यात पोटात कात्री असल्याचं दिसून आलं. आम्ही हे प्रकरण न्यायालयात नेणार असून डॉक्टरांवर कारवाईची मागणी करणार असल्याचे पीडितेचे म्हणणे आहे.