Rakesh Jhunjhunwala यांच्या या स्टॉकने मिळवला छप्परफाड पैसा; एका वर्षात संपत्ती तिप्पट

मुंबई : अनेकदा छोटे आणि मोठे गुंतवणूकदार शेअर बाजारातील दिग्गज राकेश झुनझुनवाला यांचा पोर्टफोलिओ पाहून त्यांची गुंतवणूक धोरण तयार करतात. झुनझुनवाला, ज्यांना बाजाराचा 'बिग बुल' म्हटले जाते, ते असे शेअर्स निवडतात की ज्यांचा परतावा मजबूत असू शकतो. जर तुम्ही त्याच्या पोर्टफोलिओमधील शेअर्सवर नजर टाकली तर असे अनेक स्टॉक्स आहेत, ज्यांनी गेल्या एका वर्षात गुंतवणूकदारांना 3 पट परतावा दिला आहे.

मॅन इन्फ्राकन्स्ट्रक्शन आणि ओरिएंट सिमेंट लिमिटेडच्या शेअर्समध्ये 1 वर्षात तिप्पट वाढ झाली आहे.

Man Infraconstruction

बांधकाम अभियांत्रिकी कंपनी मॅन इन्फ्राकन्स्ट्रक्शनचा स्टॉक या वर्षी गुंतवणूकदारांसाठी मल्टीबॅगर ठरला आहे. गेल्या एका वर्षात या स्टॉकने गुंतवणूकदारांना 330 टक्के उत्कृष्ट परतावा दिला आहे.

गेल्या एका वर्षात आतापर्यंत स्टॉकची किंमत रु. 22 (14 डिसेंबर 2020) वरून रु. 95 (13 डिसेंबर 2021) पर्यंत वाढली आहे.

हेदेखील वाचा - नवीन वर्षात हे शेअर करतील कमाल! 2022 मध्ये कशी असेल स्टॉक मार्केटची चाल; जाणून घ्या तज्ज्ञांचे विश्लेषण

राकेश झुनझुनवाला यांची मॅन इन्फ्राकन्स्ट्रक्शनमध्ये सुमारे 1.2 टक्के हिस्सा आहे. सप्टेंबर तिमाहीत कंपनीच्या होल्डिंगमध्ये त्यांनी कोणताही बदल केलेला नाही. 

त्यांच्याकडे कंपनीचे 3,000,000 शेअर्स आहेत, ज्यांचे सध्याचे मूल्य सुमारे 28.4 कोटी रुपये आहे. 13 डिसेंबर रोजी Man Infraconstructionचा स्टॉक 0.73 टक्क्यांनी घसरला.

Orient Cement Ltd

ओरिएंट सिमेंटच्या स्टॉकनेही गेल्या वर्षभरात गुंतवणूकदारांची संपत्ती दुप्पट केली आहे. गेल्या एका वर्षात या समभागाने गुंतवणूकदारांना 116 टक्के उत्कृष्ट परतावा दिला आहे.

या दरम्यान, शेअरची किंमत 77.95 रुपये (14 डिसेंबर 2020) वरून 168 रुपये (13 डिसेंबर 2021) पर्यंत वाढली आहे.

ओरिएंट सिमेंटमध्ये राकेश झुनझुनवाला यांची सुमारे 1.2 टक्के भागीदारी आहे. सप्टेंबर तिमाहीत कंपनीच्या होल्डिंगमध्ये त्यांनी कोणताही बदल केलेला नाही. 

त्यांच्याकडे कंपनीचे 2,500,000 शेअर्स आहेत, ज्यांचे सध्याचे मूल्य सुमारे 41.8 कोटी रुपये आहे. 13 डिसेंबर रोजी कंपनीच्या स्टॉकमध्ये 1.36 टक्क्यांनी वाढ झाली.