तुमची फुफ्फुसे निरोगी ठेवण्यासाठी दररोज 'ही' 5 आसने करा

Yoga For Lungs : सततच्या होणाऱ्या प्रदुषणामुळे काळजी घेणे खूप महत्त्वाचे झाले आहे. अनेकदा डॉक्टर समतोल आहार घेण्याचा सल्ला देतात. घरी एअर प्युरिफायर लावा, घरातील रोपे लावा आणि आहाराकडेही लक्ष द्या. पण याशिवाय आणखी एक महत्त्वाची गोष्ट आहे. त्याचबरोबर व्यायाम करणे महत्तवाचे आहे. सध्या हवा प्रदुषित झाल्यामुळे अनेकांना फुफ्फुसाच्या समस्या निर्माण होतात. फुफ्फुस निरोगी ठेवण्याचा सर्वोत्तम मार्ग म्हणजे योग करणे. योगामुळे शरीर तंदुरुस्त राहतेच पण त्यामुळे फुफ्फुसे मजबूत होतात आणि त्यांची कार्यक्षमता वाढते. ज्याद्वारे तुम्ही अनेक गंभीर आजारांपासून दूर राहू शकता. (Do these 5 asanas daily to keep your lungs healthy nz)

1. धनुरासन

जर तुम्ही या आसनाचा योग्य पद्धतीने सराव केला तर तुम्हाला अनेक फायदे मिळू शकतात कारण धनुरासन करताना भुजंगासन आणि शलभासन या दोन्हींचा सराव केला जातो. धनुरासनात छातीत चांगला ताण येतो आणि फुफ्फुसाची क्षमता वाढते, जे श्‍वसनाचे आजार असलेल्या रुग्णांसाठी खूप फायदेशीर आहे.

हे ही वाचा - Banana Benefits: हिवाळ्यात दररोज 1 केळ खा; होतील जबरदस्त फायदे; हजारो रुपयांची बचत होईल

2. गोमुखासन

गोमुखासनाने फुफ्फुसही निरोगी ठेवता येतात. हे आसन करताना तुम्हाला छातीत ताण जाणवेल, ज्यामुळे शरीरात ऑक्सिजनचा चांगला पुरवठा होतो. याशिवाय या आसनामुळे पाठदुखी, थकवा, तणाव आणि चिंता कमी होते.

3. भुजंगासन

भुजंगासन केल्याने शरीराच्या वरच्या भागात ताण येतो. हा ताण शरीरात अधिकाधिक ऑक्सिजन घेण्यास मदत करतो, ज्यामुळे फुफ्फुस निरोगी राहतात.

हे ही वाचा - गरम पाणी किती आणि कधी प्यावं ? जाणून घ्या..नाहीतर होईल पश्चाताप

4. त्रिकोनासन

त्रिकोनासनामुळे श्वसन प्रणाली मजबूत होते. हे आसन केल्याने फुफ्फुसाची क्षमता वाढते. जे या प्रदूषणाने भरलेल्या वातावरणात तुम्हाला निरोगी ठेवण्यासाठी खूप महत्वाचे आहे. हे आसन करणे देखील खूप सोपे आहे. फुफ्फुसाशिवाय हे आसन मान, पाठ आणि कंबरसाठीही फायदेशीर आहे.

5. अर्ध मत्स्येंद्रासन

अर्ध मत्स्येंद्रासन योग हे रोगप्रतिकारशक्ती वाढवण्यासाठी खूप उपयुक्त आसन आहे. हे आसन करताना दीर्घ श्वास घ्यावा लागतो, त्यामुळे फुफ्फुसांची कार्यक्षमता वाढते. याशिवाय मधुमेहाच्या रुग्णांसाठी हे आसन सर्वात फायदेशीर आहे. मांड्यांसाठीही हा एक चांगला व्यायाम आहे.

हे ही वाचा - Eye Care Juice: डोळ्याची दृष्टी आणि रोगप्रतिकारशक्ती वाढवतो आवळ्याचा रस, असा करावा वापर

(Disclaimer: वरील माहिती सामान्य ज्ञानावर आधारित आहे. दैनंदिन आयुष्यात याचा वापर करायचा झाल्यास तज्ज्ञांचा सल्ला घ्यावा.)