SSR आत्महत्या : काही कलाकारांच्या फॉलोअर्समध्ये वाढ तर काहींच्या घट

मुंबई : अभिनेता सुशांत सिंह राजपूतच्या आत्महत्येनंतर बॉलिवूडच्या अनेक कुलूपबंद असलेल्या विषयांवर चर्चा सुरू झाली. सुशांत सिंह राजपूत हा नेपोटिझमचा (Nepotism) शिकार बनला या विषयावर अनेक कलाकारांनी आपली ठाम मत सोशल मीडियावर शेअर केली. असं म्हटलं जातं की, सुशांतला बॉलिवूडमध्ये त्याची जागा दिली गेली नाही. त्याला सतत ठरवून डावलण्यात आलं. याच नैराश्यामुळे त्याना आत्महत्येसारखा टोकाचा निर्णय घेतला. 

या सगळ्याचा थेट परिणाम हा बॉलिवूडमधील कलाकारांच्या सोशल मीडियावर थेट पाहायला मिळत आहे. बॉलिवूडमधील या तणावाच्या वातावरणात काही कलाकारांच्या सोशल मीडियावरील फॉलोअर्समध्ये कमालीने वाढ झाली आहे. तर काहींच्या लोकप्रियतेवर परिणाम झाल्यामुळे त्यांचे फॉलोअर्स झपाट्याने कमी झाले आहे. 

फेसबुक, ट्विटर आणि इंस्टाग्रामच्या माध्यमातून फॉलोअर्सने जी व्यक्ती सिनेजगतात नेपोटीझमला महत्व देते त्या व्यक्ती अनफॉलो करण्यास सुरूवात केली आहे. सोमवारी रात्री आणि मंगळवारी संध्याकाळपर्यंत याचा मोठा परिणाम पाहायला मिळत आहे. 

अभिनेत्री कंगना रानावतच्या इंस्टाग्राम फॉलोअर्समध्ये झपाट्याने वाढ झाली आहे. २ मिलियनवरून हे फॉलोअर्स ३.२ मिलियनपर्यंत पोहोचले असून हा आकडा वाढतच आहे. तर करण जोहरच्या सोशल मीडिया फॉलोअर्समध्ये घट झालेली पाहायला मिळते. इंस्टाग्रामवर ११ मिलियन फॉलोअर्सचा आकडा अगदी २० मिनिटांत कमी होऊन १०.९ मिलियनपर्यंत पोहोचला आहे. या आकड्यात झपाट्याने बदल होत आहेत. तुम्ही हे वृत्त वाचेपर्यंत या आकड्यात नक्कीच बदल झालेला असेल. 

 

 

 

 

View this post on Instagram

 

 

 

 

 

 

 

 

 

It is important to give talent their due. And if celebrities are struggling with personal and mental health issues, the media should try and emphasize with them, rather than making it difficult for them!

A post shared by Kangana Ranaut (@team_kangana_ranaut) on Jun 15, 2020 at 2:44am PDT

अभिनेत्री कंगना रानावत अनेकदा काही मुद्यांवर स्पष्टपणे बोलते. कंगना ही पहिली अशी व्यक्ती आहे जी करण जोहरच्या 'कॉफी विथ करण' या कार्यक्रमात येऊन नेपोटिझमवर बोलली. नुकताच कंगनाने तिच्या सोशल मीडिया अकाऊंटवर एक व्हिडिओ अपलोड केला. ज्यामध्ये तिने सुशांतच्या आत्महत्येवर आणि तो करा बॉलिवूडमध्ये बाहेरचा आहे हे दाखवून दिलं गेलं यावर भाष्य केलं आहे. 

 

 

 

 

View this post on Instagram

 

 

 

 

 

 

 

 

 

I blame myself for not being in touch with you for the past year..... I have felt at times like you may have needed people to share your life with...but somehow I never followed up on that feeling...will never make that mistake again...we live in very energetic and noisy but still very isolated times ...some of us succumb to these silences and go within...we need to not just make relationships but also constantly nurture them....Sushants unfortunate demise has been a huge wake up call to me ...to my level of compassion and to my ability to foster and protect my equations.....I hope this resonates with all of you as well....will miss your infectious smile and your bear hug ....

A post shared by Karan Johar (@karanjohar) on Jun 14, 2020 at 4:07am PDT

अनेकांनी तर ऑनलाईन पिटिशयन दाखल केल्या आहेत. ज्यामध्ये स्टार किड्सच्या सिनेमांना बॅन करण्याचा निर्णय घेतला आहे. काहींनी यामध्ये करण जोहर आणि खान कुटुंबियांच्या मुलांचा समावेश केला आहे. सुशांत सिंह राजपूतच्या निधनानंतर सोशल मीडियावर खूप प्रतिक्रिया पाहायला मिळाल्या. ३४ वर्षांच्या सुशांतने नैराश्यात येऊन आत्महत्या केल्यामुळे साऱ्यांनाच धक्का बसला आहे.