मोहम्मद कैफची सर्व क्रिकेटमधून निवृत्तीची घोषणा

मुंबई : क्रिकेटपटू मोहम्मद कैफने आज क्रिकेटच्या सर्व प्रकारामधून निवृत्तीची घोषणा केली आहे. क्रिकेटमधून निवृत्त होत असल्याची माहिती कैफने इमेलवरुन दिली. भारतीय संघ सध्या इंग्लंडविरुद्ध नेटवेस्ट सीरिज खेळण्यासाठी इंग्लंड दौऱ्यावर आहे. हे निमित्त साधून मोहम्मद कैफने निवृत्ती जाहीर केली. दरम्यान, कैफने निवृत्तची जाहीर केली तरी तो क्रिकेट समालोचक म्हणून काम करीत आहे.

मोहम्मद कैफने १२ वर्षांपूर्वी भारतीय संघासाठी अखेरचा सामना खेळला होता. कैफने टीम इंडियाकडून १३ कसोटी, १२५ वनडे सामने खेळले आहेत. २००२ मध्ये झालेल्या नेटवेस्ट सीरिजच्या अंतिम सामन्यामध्ये कैफने लॉर्ड्सच्या मैदानावर ८७ धावांची खेळी करुन टीम इंडियाला विजय मिळवून दिला होता. हा सामना १३ जुलै रोजी खेळला होता तर त्याच म्हणजे आज १३ जुलै रोजीच मोहम्मद कैफने निवृत्तीची घोषणा केलेय.

कैफने म्हटलेय, 'मी आज निवृत्त होत आहे. त्या ऐतिहासिक नेटवेस्ट सीरिजला १६ वर्षे लोटली आहेत. त्यावेळी मी त्याचा भाग होतो. भारतासाठी खेळणे हे माझ्यासाठी आनंदाचा क्षण होता.' कैफनं १३ कसोटीत ३२च्या सरासरीने २७५३ धावा केल्या आहेत.