'बाहुबली'ने बॉक्स ऑफिसचा 'रेकॉर्ड तोडला'

चेन्नई : निर्माता, दिग्दर्शक एस. एस. राजामॉली यांचा चित्रपट फिल्म 'बाहुबली' बॉक्स ऑफिस रेकॉर्ड तोडतोय. कारण दहा दिवसात बाहुबलीने 300 कोटींचा आकडा पार केला आहे, १० दिवसांत एवढा आकडा पार करणारा हा पहिला दाक्षिणात्य चित्रपट आहे. 

बाहुबलीने याआधी सुपरस्टार रजनीकांत यांचा 'एंथिरन'चा रेकॉर्ड तोडला आहे. या चित्रपटाने २९० कोटी रूपयांची कमाई केली होती. 
 
शनिवारी या चित्रपटाची कमाई ३०३ कोटी रूपयांपर्यंत पोहोचली होती. चित्रपटाच्या हिंदी आवृत्तीने आतापर्यंत ५० कोटी रूपयांची कमाई केली आहे. डब सिनेमाच्या बाबतीत ही देखील रेकॉर्ड तोड़ कमाई आहे.

शुक्रवारी सुपरस्टार सलमान खानचा सिनेमा बजरंगी भाईजान रिलीज झाला हा सिनेमाही लोकांनी डोक्यावर घेतला असला, तरी बाहुबलीला याचा कोणताही फरक पडलेला नाही.

दोन भावांमध्ये अधिकारांवरून झालेल्या संघर्षावर २५० कोटी रूपयांची ही बिग बजेट फिल्म आहे. या चित्रपटात प्रभाष, राणा डग्गुबाती, अनुष्का शेट्टी आणि तमन्ना भाटिया यांच्या प्रमुख भूमिका आहेत. बाहुबलीचा पुढचा भाग असलेला चित्रपट पुढच्या वर्षी रिलीज करण्यात येणार आहे.

* इतर ताज्या बातम्या सदैव पाहण्यासाठी झी २४ तासला फेसबुकवर जॉइंन करा.

* झी २४ तासला ट्विटरवर फोलो करा.