१८ वर्षापूर्वी बेपत्ता जवानाचा मृतदेह सापडला

''हा मृतदेह गया प्रसाद यांचाच आहे याची ओळख झाल्यानंतर त्यांचे पार्थीव हवाई मार्गाने चंडीगडला नेण्यात येईल आणि त्यानंतर लष्कराच्या वाहनांतून त्यांच्या उत्तर प्रदेशातील मूळ गावी मेनपुरी येथे आणण्यात येणार आहे. गया प्रसाद यांचा मृत्यू कसा झाला याची माहिती अजुनतरी समोर आलेली नाही. पण हिमकडा कोसळल्यामुळे गया प्रसाद यांचा मृत्यू झाला असल्याचा अंदाज वर्तवण्यात येत आहे.'' अशी माहिती लष्कराच्या एका अधिका-यांनी दिली. 

५ हजार ७०० मीटर उंची असणारा सियाचिन ग्लेशियरचा हा प्रदेश जगातील सर्वात उंच भाग म्हणून ओळखला जातो. १९८४ पासून सियाचिन ग्लेशियरवर भारत आणि पाकिस्तान या दोघांचे सैन्य तैनात आहेत. या सियाचीन ग्लेशियरच्या भागात आजपर्यंत हजारांहून जास्त जवानांचा मृत्यू झाला आहे.