टीम अण्णांनी नाकारलं सरकारचे लोकपाल विधेयक

झी २४ तास वेब टीम, मुंबई

टीम अण्णांनी सरकारने संसदेत मांडलेल्या लोकपाल विधेयकावर घणाघाती हल्ला चढवला आहे. सरकारने मांडलेले विधेयक जनतेच्या विरोधात असल्याचं अरविंद केजरीवाल म्हणाले. सरकारच्या हातातलं बाहुलं लोकपाल बनेल अशी भीतीही त्यांनी व्यक्त केली.

सरकारी अधिकाऱ्यांना हटवण्याचे अधिकार मंत्र्याकडे असल्याचं तसंच भ्रष्ट सरकारी अधिकाऱ्यांना मोफत वकील देण्याची तरतुद या विधेयकात असल्याकडे केजरीवाल यांनी लक्ष वेधलं.