भाजप सर्वात श्रीमंत राजकीय पक्ष, दुसऱ्या क्रमांकावर बसपा; जाणून घ्या कोणत्या पक्षाकडे किती संपत्ती?

मुंबई : Political parties : राजकीय पक्षांना अनेक ठिकाणांहून निधी आणि देणगी मिळत असते. देशात उत्तर प्रदेशसह चार राज्यांमध्ये सध्या निवडणुकीचे वारे वाहत आहेत. यावेळी कोणता राजकीय पक्ष श्रीमंत आहे, याची माहिती पुढे आली आहे. भाजप सर्वात श्रीमंत राजकीय पक्ष आहे. (BJP is the richest political party) तर दुसऱ्या क्रमांकावर बसपा आहे. जाणून घ्या कोणत्या पक्षाकडे किती संपत्ती आहे?

निवडणूक सुधारणा अभ्यास करणारा गट ADR नुसार, भाजपने 2019-20 या आर्थिक वर्षात 4847.78 कोटी रुपयांची संपत्ती जाहीर केली, जी सर्व राजकीय पक्षांमध्ये सर्वाधिक आहे. यानंतर बसपने 698.33 कोटी आणि काँग्रेसने 588.16 कोटी रुपयांची संपत्ती जाहीर केली.

सात राष्ट्रीय पक्षांनी जाहीर केले संपत्ती 

असोसिएशन फॉर डेमोक्रॅटिक रिफॉर्म्स (ADR) ने 2019-20 मधील राष्ट्रीय आणि प्रादेशिक पक्षांच्या मालमत्ता आणि दायित्वांच्या विश्लेषणावर आधारित हा अहवाल तयार केला आहे. विश्लेषणानुसार, आर्थिक वर्षात सात राष्ट्रीय पक्षांनी घोषित केलेली संपत्ती 6,988.57 कोटी रुपये आणि 44 प्रादेशिक पक्षांनी 2,129.38 कोटी रुपये इतकी आहे.

एकट्या भाजपकडे 69 टक्क्यांहून अधिक संपत्ती 

एडीआरच्या अहवालात म्हटले आहे की, सात राष्ट्रीय पक्षांपैकी भाजपकडे सर्वाधिक 4847.78  कोटी रुपये किंवा 69.37 टक्के, बसपाकडे 698.33 कोटी रुपये किंवा  9.99 टक्के आणि काँग्रेसकडे 588.16 कोटी किंवा  8.42 टक्के आहे.

एडीआरच्या अहवालात ही बाब समोर  

ADR नुसार, 44 प्रादेशिक पक्षांपैकी, शीर्ष 10 पक्षांची संपत्ती 2028.715 कोटी रुपये किंवा त्या सर्वांनी घोषित केलेल्या एकूण 95.27 टक्के आहे. 2019-20 या आर्थिक वर्षात समाजवादी पक्षाने प्रादेशिक पक्षांमध्ये सर्वाधिक 563.47 कोटी रुपये किंवा 26.46 टक्के संपत्ती जाहीर केली. यानंतर टीआरएसने 301.47 कोटी रुपये आणि एआयएडीएमकेने 267.61 कोटी रुपयांची संपत्ती जाहीर केली.

आर्थिक वर्ष 2019-20 मध्ये, प्रादेशिक पक्षांनी घोषित केलेल्या  संपत्तीमध्ये मुदत ठेवी, एफडीआरचा वाटा सर्वाधिक होता 1,639.51 कोटी रुपये, किंवा 76.99 टक्के. आर्थिक वर्षासाठी FDR/फिक्स्ड डिपॉझिट श्रेणी अंतर्गत, भाजपने 3,253 कोटी रुपये घोषित केले आणि BSP सर्व राष्ट्रीय पक्षांमध्ये 618.86 कोटी रुपयांसह पहिल्या आणि दुसऱ्या स्थानावर आहे, तर काँग्रेसने या श्रेणीमध्ये 240.90 कोटी रुपये जाहीर केले.

प्रादेशिक पक्षांमध्ये, सपा -  434.219 कोटी, टीआरएस -256.01 कोटी, AIADMK- 246.90 कोटी, द्रमुक - 162.425 कोटी, शिवसेना - 148.46 कोटी, बीजेडी - 118.425 कोटी FDR अंतर्गत सर्वाधिक आहेत. मुदत ठेव घोषितकर्त्यांचा समावेश आहे. 2019-20 या आर्थिक वर्षासाठी सात राष्ट्रीय आणि 44 प्रादेशिक पक्षांनी घोषित केलेले दायित्व 134.93 कोटी रुपये आहे.