लग्नाअगोदर पतीला काका आणि त्याच्या गर्लफ्रेंडला काकी म्हणायची 'ही' अभिनेत्री; वयाच्या 16 व्या वर्षी झाली आई

राजेश खन्ना फक्त आपल्या सिनेमांसाठीच नाही तर पर्सनल लाइफमुळे देखील चर्चेत असतात. त्या काळात राजेश खन्ना यांच्या लव अफेअर्सचे अनेक किस्से चर्चेत होते. अंजू महेंद्रूसोबत लिव इन रिलेशनमध्ये होते मात्र डिंपल कपाडियासोबत लग्न करुन चाहत्यांना मोठा धक्का दिला. 1970 च्या दशकात राजेश खन्ना आणि अंजू महेंद्रू लवबर्ड होते आणि लोकांना असं वाटायचं की, हे दोघं लग्न करतील. मात्र दोघांचं नातं तुटलं आणि त्यांचा हा किस्सा अतिशय लोकप्रिय झालं. 

29 डिसेंबर 1942 राजेश खन्ना यांचा जन्म अमृतसर येथे झाला. त्यांचं खरं नाव जतिन खन्ना होतं. त्यांनी वयाच्या 24 व्या वर्षी 1966 मध्ये हिंदी सिनेमा 'आखिरी खत' मधून डेब्यू केला. या सिनेमांनंतर राजेश खन्ना यांना ऑफर्स मिळू लागल्या. अनेक फ्लॉप आणि हिट सिनेमांनंतर 'हाथी मेरे साथी' हा सिनेमा 1971 साली प्रदर्शित झाला आणि सर्वाधिक कमाई करणारा सिनेमा ठरला आहे. 

अंजू महेंद्रू एक अभिनेत्री, मॉडेल आणि फॅशन डिझायनर म्हणून काम करत होती. जेव्हा अंजू संघर्ष करत होती, तेव्हा राजेश खन्ना सुपरस्टार होते. दोघांची भेट कशी झाली याबद्दल फारशी माहिती नाही, पण त्यांची प्रेमकहाणी बरीच प्रसिद्ध झाली. दोघांनीही त्यांच्या नात्यातील सुरुवातीच्या काळात एकमेकांना पाठिंबा दिला. असे म्हटले जाते की अंजू एक समर्पित प्रेयसी होती आणि ती 1966 ते 1972 पर्यंत 7 वर्षे राजेश खन्नासोबत दीर्घकाळ लिव्ह-इन रिलेशनशिपमध्ये होती. 1971 नंतर त्यांचे नाते बदलले, जेव्हा अंजू वेस्ट इंडिजचा क्रिकेटपटू गॅरी सोबर्सला डेट करत असल्याच्या अफवा पसरल्या.

यामुळे राजेश खन्ना खूप संतापले. यानंतर राजेश खन्ना यांचा अंजूशी लग्न करण्याचा निर्णय बदलला असे म्हटले जाते. अंजूच्या आईची इच्छा होती की राजेश खन्ना यांनी त्यांच्या मुलीचे लग्न लवकर करावे, राजेश खन्ना यांनाही तेच हवे होते. पण अंजूने लग्नाला सतत नकार दिल्यामुळे, राजेशने 1972 मध्ये तिच्याशी असलेले नाते तोडले. तिच्या एका मुलाखतीत, अंजूने कबूल केले होते की, राजेश खन्ना यांचे वेगवेगळे आणि सतत बदलणारे विचार त्यांच्या नात्यात खूप कटुता निर्माण करत होते.

अंजू म्हणाली होती, 'तो खूप रूढीवादी माणूस आहे, तरीही तो नेहमीच आधुनिक मुलींकडे आकर्षित होतो.' गोंधळ हा आमच्या नात्याचा एक भाग होता. मी स्कर्ट घातला तर तो रागावायचा, तू साडी का नेसत नाहीस? मी साडी नेसली तर तो म्हणायचा, 'तू भारतीय महिलेचा लूक का दाखवत आहेस?' स्टारडस्टला दिलेल्या दुसऱ्या मुलाखतीत अंजू म्हणाली की, 1969 पूर्वी राजेश आपल्या फ्लॉप चित्रपटांमुळे मानसिकदृष्ट्या कमकुवत झाले होते. ज्यामुळे दोघांमध्ये अनेक वाद झाले. राजेशची साथ दिवसेंदिवस कठीण होत चालली होती. ते चिडचिडा, रागीट आणि चिडखोर होत चालले होते. ते नेहमीच खूप तणावात असायचे. 

राजेश खन्ना यांनी एका मुलाखतीत म्हटले होते की, अंजूचा वेळ कितीही काढण्याचा प्रयत्न केला तरी ती नेहमीच व्यस्त राहील. स्टुडिओमध्ये दिवसभर काम केल्यानंतर, मी घरी परत येईन तेव्हा ती एका पार्टीला गेली आहे, असं लिहिलेली चिठ्ठी सापडायची. राजेश खन्ना यांनी डिंपलशी लग्न केलं तेव्हा त्यांनी त्यांची एक्स प्रेयसी अंजूच्या घरासमोरुन लग्नाची वरात काढली. डिंपल कपाडियासोबत लग्न झाल्यानंतर त्यांना ट्विंकल खन्ना आणि रिंकी खन्ना या दोन मुली झाल्या.

अंजू यांनी एका मुलाखतीत सांगितलं की, डिंपल कपाडियासोबत झालेल्या पहिल्या भेटीबद्दल सांगितलं. डिंपलने राजेश खन्ना यांना 'अकंल' आणि त्यांना अँटी म्हटलं होतं. पण नंतर तिच्या वागण्यात बदल झाला.