एन्काउंटर स्पेशालिस्ट दया नायक तपासासाठी सैफ अली खानच्या घरी, हल्ला प्रकरणाचा करणार तपास
Saif Ali Khan Attacked News: सैफ अली खानच्या घरात चोरी करताना अभिनेत्यावर चाकूने हल्ला करण्यात आला आहे. ज्यामध्ये अभिनेता जखमी झाला आहे. सध्या त्याच्यावर लीलावती रुग्णालयात उपचार सुरु आहेत.
)
Saif Ali Khan Stabbed News: बॉलिवूड अभिनेता सैफ अली खानवर गुरुवारी रात्री घरात चोरीच्या वेळी चाकूने हल्ला करण्यात आला. या हल्ल्यामध्ये अभिनेता सैफ अली खान गंभीर जखमी झाला आहे. रिपोर्टनुसार, पहाटे 2 च्या सुमारास अभिनेता वांद्रे येथील त्याच्या घरी होता. तेव्हा त्याच्यावर हल्ला करण्यात आला. घटनेची माहिती मिळताच अभिनेत्याला तात्काळ लीलावती रुग्णालयात दाखल करण्यात आले. सध्या अभिनेता सैफ अली खानवर उपचार सुरू आहेत. दरम्यान, सैफ अली खानच्या घराचे काही व्हिडिओ सोशल मीडियावर व्हायरल होत आहेत.
सोशल मीडियावर व्हायरल होत असलेल्या व्हिडिओमध्ये पोलिसांसह मीडियाचे लोक आणि सैफ अली खानचे चाहते दिसत आहेत. पोलीस या प्रकरणाचा तपास करत आहेत. व्हिडिओमध्ये एन्काउंटर स्पेशालिस्ट दया नायक त्यांच्या घराबाहेर दिसत होते. सैफ अली खानवर झालेल्या हल्ल्याची ते चौकशी करणार असल्याचे सांगण्यात येत आहे. व्हिडिओमध्ये दया नायक काळ्या टी-शर्ट आणि जीन्समध्ये दिसत आहे. त्यांचा हा व्हायरल व्हिडिओ भयानी यांनी त्यांच्या इन्स्टाग्रामवर शेअर केला असून, त्यात ही माहिती देण्यात आली आहे.
एन्काउंटर स्पेशालिस्ट दया नायक करणार हल्ल्याचा तपास
इन्स्टाग्रामवर हा व्हिडीओ शेअर करताना कॅप्शनमध्ये म्हटले आहे की, 'एन्काउंटर स्पेशालिस्ट दया नायक सैफ अली खानच्या हल्ल्याच्या प्रकरणाची चौकशी करण्यासाठी सैफ अली खानच्या घरी पोहोचले'. यासोबतच व्हायरल व्हिडिओवर अनेक चाहत्यांनी कमेंट्सही केल्या आहेत. दरम्यान, सैफ अली खानच्या टीमचे पहिले स्टेटमेंट हॉस्पिटलमधून समोर आले आहे, ज्यामध्ये त्यांनी म्हटले आहे की, त्याच्यावर हल्ला झाला आणि यादरम्यान तो जखमीही झाला. सध्या त्यांच्यावर रुग्णालयात उपचार सुरू आहेत. त्याने चाहत्यांना शांतता राखण्याचे आवाहन केले आहे.
टीमने पुढे सांगितले की, 'काल रात्री सैफ अली खान आणि करीना कपूर खान यांच्या घरी एका अज्ञात व्यक्तीने घुसण्याचा प्रयत्न केला. यामध्ये सैफ अली खान जखमी झाला असून त्याच्यावर रुग्णालयात उपचार सुरू आहेत. कुटुंबातील इतर सदस्य सुखरूप आहेत. रिपोर्टनुसार, डॉक्टरांची एक विशेष टीम त्यांच्यावर उपचार करत आहे. सैफला झालेल्या दोन दुखापती खूप खोल आहेत आणि त्याच्या पाठीच्या कण्यावरही परिणाम झाल्याचे सांगण्यात येत आहे. सध्या त्याच्यावर उपचार सुरू आहेत.