Raju Srivastav: राजू श्रीवास्तव यांचे नवीन तंत्रज्ञानाने पोस्टमॉर्टम, आशियात केवळ एम्समध्ये ही सुविधा

मुंबई : कॉमेडियन राजू श्रीवास्तव (Raju Shrivastav) यांचे आज (बुधवार) निधन झाले. दिल्लीतील एम्समध्ये वयाच्या ५८ व्या वर्षी त्यांनी अखेरचा श्वास घेतला. 40 हून अधिक दिवस ते एम्समध्ये दाखल होते. राजू श्रीवास्तव यांच्या मृत्यूनंतर त्यांचे आभासी शवविच्छेदन करण्यात आले. या शवविच्छेदनात सीटी स्कॅन आणि एक्स-रेद्वारे तपासणी केली जाते. (Raju Shrivastav postmortem)

एम्स हे आशियातील एकमेव केंद्र आहे, जिथे हे आधुनिक पद्धतीने शवविच्छेदन केले जाते. अनेक वैद्यकीय कायदेशीर प्रकरणांमध्ये शवविच्छेदन केले जाते परंतु शस्त्रक्रिया आवश्यक असते. राजू श्रीवास्तव यांना एम्समध्ये आणले तेव्हा ते बेशुद्ध होते आणि या 42 दिवसानंतर ही त्यांना शुद्ध आली नाही, त्यामुळे शवविच्छेदन केले जात आहे.

एम्सच्या फॉरेन्सिक मेडिसिन विभागाचे प्रमुख डॉ सुधीर गुप्ता म्हणाले, "राजू श्रीवास्तव यांचे पोस्टमॉर्टम आभासी शवविच्छेदन नावाच्या नवीन तंत्राने करण्यात आले आहे. त्यासाठी कोणत्याही शस्त्रक्रियेची गरज नाही. या संपूर्ण प्रक्रियेला 15 ते 20 मिनिटे लागली, त्यानंतर मृतदेह त्याच्या कुटुंबीयांच्या ताब्यात देण्यात आला.

राजू श्रीवास्तव यांना 10 ऑगस्ट रोजी दिल्लीत व्यायाम करत असताना हृदयविकाराचा झटका आला. याच्या एक दिवस आधी, त्यांनी शेवटच्या ट्विटमध्ये एक व्हिडिओ टाकला आणि 13 ते 15 ऑगस्ट दरम्यान प्रत्येक घरात तिरंगा फडकवण्याच्या पंतप्रधानांच्या आवाहनाचे समर्थन केले.

त्यांनी ओटीटी प्लॅटफॉर्म शो 'मिर्झापूर'वर हिंसक आणि अश्लील सामग्रीबद्दल टीका केली होती. हिंदूंच्या भावना दुखावल्याचा आरोप करत त्यांनी 2021 मध्ये 'तांडव' या वेब सीरिजवर निशाणा साधला. राजू श्रीवास्तव यांचे वडील रमेश श्रीवास्तव हे देखील कॉमिक कवी होते.

राजू श्रीवास्तव करिअर करण्यासाठी कानपूरहून मुंबईत आले होते, तेव्हा 'कुली' चित्रपटाच्या शूटिंगदरम्यान अमिताभ बच्चन जखमी झाले होते. राजूचा भाऊ दीपू श्रीवास्तव यांनी सांगितले की, राजूभाई रोज वडा पाव खात असत आणि हॉस्पिटलबाहेर उभे राहून बच्चनजींसाठी प्रार्थना करत असत. राजू श्रीवास्तवच्या भावाच्या म्हणण्यानुसार, तो मुंबईत फूटपाथ आणि पार्कवर झोपायचा, झोपडपट्टीत राहत होता.

टी-सीरीजचे मालक गुलशन कुमार यांनी एकदा त्यांना एका कार्यक्रमात परफॉर्म करताना पाहिले आणि 'हसना मना है' नावाचा ऑडिओ कॅसेट शो करण्याची ऑफर दिली. येथून राजू श्रीवास्तव यांच्या कारकिर्दीला नवे वळण मिळाले.