ఏపీ ( Ap ) లో కరోనా వైరస్ ( Corona virus ) దాదాపు తగ్గిపోయినట్టే కన్పిస్తోంది. భారీగా కరోనా నిర్ధారణ పరీక్షలు నిర్వహిస్తుండటంతో వైరస్ తగ్గుముఖం పట్టింది. గత 24 గంటల్లో కేవలం 1732 కొత్త కేసులు మాత్రమే వెలుగు చూశాయి.
రాష్ట్రంలో ఇంకా రికార్డు స్థాయిలో కోవిడ్ 19 నిర్ధారణ పరీక్షలు ( Covid19 Tests ) నిర్వహిస్తోంది ఏపీ ప్రభుత్వం ( Ap Government ). కరోనా వైరస్ ప్రారంభమైనప్పటి నుంచి ప్రధానంగా కరోనా నిర్ధారణ పరీక్షలపైనే దృష్టి పెట్టింది రాష్ట్ర ప్రభుత్వం. ఇందులో భాగంగా రోజుకు 80 వేల వరకూ పరీక్షలు నిర్వహిస్తూ వస్తోంది. అక్టోబర్ నెల కంటే ముందు రోజుకు 10-11 వేల కొత్త కేసులు వెలుగుచూస్తుండేవి. ఇప్పుడా పరిస్థితి పూర్తిగా మారింది.
ఇప్పుడు కూడా రోజుకు 70-80 వేల పరీక్షలు నిర్వహిస్తున్నా..కొత్త కేసుల సంఖ్య మాత్రం గణనీయంగా తగ్గుతోంది. రోజుకు 2 వేలలోపు కేసులు నమోదవుతున్నాయి. గత 24 గంటల్లో ఏపీలో 70 వేల 405 మందికి పరీక్షలు నిర్వహించగా..కేవలం 1732 కొత్త కేసులు నమోదయ్యాయి. మొత్తం కేసుల సంఖ్య ఇప్పుడు 8 లక్షల 47 వేల 977కు చేరుకుంది. అయితే ప్రస్తుతం రాష్ట్రంలో యాక్టివ్ కేసుల సంఖ్య( Corona active cases ) కేవలం 20 వేల 915కు చేరుకుంది.
గత 24 గంటల్లో కరోనా వైరస్ కారణంగా 14 మంది మరణించారు. మొత్తం మృతుల సంఖ్య 6 వేల 828కు చేరుకుంది. గత 24 గంటల్లో 1761 మంది డిశ్చార్జ్ అయ్యారు. రాష్ట్రంలో ఇప్పటివరకూ 88 లక్షల 63 వేల 340 కోవిడ్ 19 నిర్ధారణ పరీక్షలు నిర్వహించారు. Also read: AP: లివర్, బోన్‌మారో ట్రాన్స్‌ప్లాంటేషన్ కూడ ఇకపై ఆరోగ్య శ్రీలోనే
స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్‌స్టైల్, సామాజికం, .. A to Z అన్నిరకాల వార్తలను తెలుగులో పొందడం కోసం ఇప్పుడే Zee హిందుస్థాన్ యాప్ డౌన్‌లోడ్ చేసుకోండి.
Android Link - https://bit.ly/3hDyh4G
Apple Link - https://apple.co/3loQYe
