తమ ప్రేమ వ్యవహారంపై శుభ్‌మన్ గిల్-సారా టెండూల్కర్ ఎప్పుడు అధికారికంగా ప్రకటించలేదు. గిల్ సోదరితో కలిసి సారా నైట్ పార్టీలకు అటెండ్ కావడంతో రూమర్స్‌కు మరింత బలం చేకూరింది.
అయితే ఇద్దరి మధ్య గొడవ జరిగి బ్రేకప్ చెప్పేసుకున్నారని.. గిల్ మరోకరితో డేటింగ్ మొదలెట్టేశాడని కొత్త వార్తలు కూడా చక్కర్లు కొట్టాయి.
ఈ డేటింగ్, బ్రేకప్ ప్రచారం మధ్య మరోసారి గిల్-సారా కుంభమేళాకు హాజరైనట్లు పిక్స్ వైరల్ కావడంతో అభిమానులు షాక్‌కు గురయ్యారు.
అయితే ఈ పిక్స్ నిజం కాదని ఫ్యాక్ట్‌ చెక్‌లో తేలిపోయింది. ఆర్టిఫిషియల్ ఇంటిలిజెన్స్ (ఏఐ) సాయంతో క్రియేట్ చేసి వైరల్ చేశారు.
ఏఐ అందుబాటులోకి వచ్చిన తరువాత ఫేక్ పిక్స్ వ్యాప్తి ఎక్కువగా పెరిగిపోయింది. ముఖ్యంగా సెలబ్రిటీల పిక్స్‌ను తప్పుగా క్రియేట్ చేస్తూ కొత్త రూమర్లు సృష్టిస్తున్నారు.
ఇలాంటి ఫేక్స్ పిక్స్ వైరల్ చేస్తుండడంపై ఫ్యాన్స్ ఫైర్ అవుతున్నారు. సాంకేతికతను కెరీర్‌ను డెవలప్ చేసుకునేందుకు వాడుకోవాలని.. ఇలా తప్పుడు ప్రచారానికి వాడుకోవద్దని హితవు పలుకుతున్నారు.
ఇటీవల బోర్డర్-గవాస్కర్ ట్రోఫీలో ఆడిన శుభ్‌మన్ గిల్ ప్రస్తుతం ఫ్యామిలితో గడుపుతున్నాడు. లోహ్రీ ఫెస్టివల్ పిక్స్‌ను సోషల్ మీడియాలో షేర్ చేశాడు.
