Vaginal health : उन्हाळ्याच्या दिवसांत योनीमार्गाची काळजी कशी घ्याल?

मुंबई : उन्हाळ्याचे दिवस सुरु झाले आहेत. अशा दिवसांमध्ये महिलांना डिहाइड्रेशन, इन्फेक्शन होण्याचा धोका अधिक वाढतो. त्यामुळे अशावेळी महिलांना त्यांच्या शरीरारकडे जास्त लक्ष द्यावं लागतं. उन्हाळ्यातील सर्वात त्रासदायक गोष्ट म्हणजे घाम येणं. घामामुळे खाज सुटणं, चिडचिड होणं, संसर्ग यांची शक्यता वाढते. याचा सर्वात जास्त परिणाम तुमच्या इंटिमेट एरियावर होतो.

उन्हाळ्याच्या दिवसांत personal hygiene बाबत बेजबाबदार वागल्याने महिलांना आरोग्याच्या समस्यांना सामोरं जावं लागतं. त्यामुळे आज जाणून घेऊया तज्ज्ञांनी उन्हाळ्याच्या दिवसांत योनीमार्गाची काळजी कशी घ्यावी.

खूप पाणी प्या

उन्हाळ्याच्या दिवसांत शरीराला हायड्रेट ठेवणं खूप गरजेचं असतं. पाणी शरीरातील विषारी पदार्थ काढून पीएच पातळी नियंत्रित करतं. शरीरात पाण्याच्या कमतरतेमुळे योनिमार्गात जळजळ होऊ शकते.

योनीला दिवसातून 2 वेळा धुवा

योनी निरोगी आणि स्वच्छ ठेवण्यासाठी, दिवसातून किमान दोनदा कोमट पाण्याने धुवा. रात्री झोपण्यापूर्वी हा अवयव स्वच्छ करणं आवश्यक आहे. जर तुम्हाला अधिक घाम येत असेल तर तुम्हाला योनी स्वच्छ करणं आवश्यक आहे.

हेल्दी डाइट घ्या

उन्हाळ्यात मसालेदार आणि तेलकट पदार्थांचे अतिसेवन त्याचप्रमाणे लसूण, कांदा, अल्कोहोल, चहा, कॉफी, कोल्ड्रिंक्स अशा पदार्थांचं अतिसेवन केल्याने शरीरातील पीएच व्हॅल्यू असंतुलित होते. त्यामुळे प्रायव्हेट पार्ट म्हणजेच योनीतून दुर्गंधी येऊ लागते. त्यामुळे उन्हाळ्यात सकस आहार घेण्याचा प्रयत्न करा.

पीरियड्सच्या काळात अधिक लक्ष द्या

मासिक पाळीच्या दरम्यान स्वच्छतेकडे अधिक लक्ष देण्याची गरज आहे. उन्हाळ्यात 4 तासांपेक्षा जास्त एक सॅनिटरी नॅपकिन्स वापरू नका. यामुळे एंटिमेट एरियामध्ये इन्फेक्शन होण्याचा धोका अधिक वाढतो.