अ‍ॅपच्या माध्यमातून Loan घेत असाल तर डोक्याला होईल ताप, खंडणीची नवी मोड्स ऑपरेंडी

मुंबई : Instant Loan Apps: सध्या डिजिटलचा जमाना आहे. आजकाल झटपट कर्ज (Loan) देण्यासाठी काही अ‍ॅप आमिष दाखवतात. अनेक जण बँकेची कटकट नको आणि डोक्याला ताप नको म्हणून अ‍ॅपच्या माध्यमातून कर्ज उचलत असतात. मात्र, असे कर्ज (Instant Loan) उचलणे आता तापदायक ठरत असल्याचे पुढे आले आहे. डिजिटल खंडणीची नवी मोडस ऑपरेंडी दिसून येत आहे. असाच एक प्रकार समोर आला आहे. अ‍ॅपच्या माध्यमातून 1.5 लाख रुपयांचे कर्ज घेतले. मात्र, 90 लाख रुपये वसूल केले गेलत. (Instant Loan Apps Reality)

मोठ मोठ्या गुन्हेगारांच्या मोडस ऑपरेंडीबद्दल अनेकदा ऐकले असेल. पण Instant Loan Appsच्या डिजिटल अ‍ॅक्ट्युएशन ऑपरेंडीबद्दल तुम्हाला काही माहिती असेल असे नाही. मात्र,  Instant Loan Appsची मोडस ऑपरेंडी एकदम खतरनाक आहे. एका व्यक्तीने 1.5 लाख रुपयांचे कर्ज घेतले. त्यानंतर त्या व्यक्तीला डोक्याला हात लावण्याची वेळ आली. या व्यक्तीने गरजेच्या वेळी दीड लाख रुपयांचे कर्ज घेतले होते. ते आज 5 महिन्यांत 6 पटीने वाढून 90 लाखांवर कसे पोहोचले आहे, हे जाणून घेतले तर तुम्ही पुन्हा कधी असे करण्याचा विचार करणार नाही.

या बातमीने, तुम्हाला झटपट कर्ज कंपन्यांची मोडस ऑपरेंडी समजेल, ज्यामध्ये एखाद्या व्यक्तीला प्रथम काही हजार रुपयांचे कर्ज दिले जाते, नंतर त्याला आणखी रक्कम देण्याच्या नवीन ऑफर दिल्या जातात आणि नंतर काही आठवड्यांत त्या व्यक्तीला कर्ज घेतलेल्या रकमेच्या दुप्पट करून परतफेड करण्यास सांगितले जाते. आणि परतफेड करण्यास असमर्थता दर्शविण्याच्या मोडस ऑपरेंडी अंतर्गत, दुप्पट कर्जाची परतफेड करण्यासाठी आमच्या इतर अ‍ॅपवरून कर्ज घ्या, असे सांगितले जाते. हे करत असताना एखाद्या व्यक्तीला 50 लाखांच्या वर कर्ज मिळते. 

त्यानंतर भयानक प्रकार समोर येतो. कर्ज घेणाऱ्याला त्रास दिला जातो. त्याला शिवीगाळ करुन त्याचे अश्लील फोटो मित्र, नातेवाईकांना पाठविले जातात.हा प्रकार  एका दिल्लीतील एका तरुणाच्या वाट्याला आला. दिल्लीत राहणाऱ्या 28 वर्षीय आदित्य याच्याबाबत असे घडले आहे.

30 हजारांचे कर्ज घेतले होते

फेब्रुवारीमध्ये आदित्यला काही पैशांची गरज होती, पण कुटुंबीयांकडून पैसे घेण्याऐवजी आदित्यने इन्स्टंट लोन अ‍ॅपवरून कर्ज (Instant Loan) घेण्याचा विचार केला. आदित्यने पहिल्यांदा 30 हजारांच्या कर्जासाठी अर्ज केला पण त्याला फक्त 5 हजारांचे कर्ज मिळाले. त्यानंतर आदित्यने आणखी कर्ज घेण्यासाठी 5 ते 6 वेळा अर्ज केला आणि आदित्यला सुमारे 30 हजारांचे कर्ज मिळाले जे आदित्यला 15 दिवसांत फेडायचे होते. ही आदित्यची ही फक्त सुरुवात होती. 

या 15 दिवसांत आदित्यला इतर इन्स्टंट लोन कंपन्यांकडून कर्ज देण्यासाठी अनेक संदेश आले. आदित्यने लगेच कर्ज घ्यावे म्हणून अनेक जाहिराती येऊ लागल्या. आदित्यने जास्त कर्ज घेण्यास सुरुवात केली आणि काही दिवसातच आदित्यने जवळपास 6 ते 7 लोन अ‍ॅप्सवरून सुमारे दीड लाखांचे कर्ज घेतले होते.

20-25 दिवसांत पैसे भरण्यास सांगितले

 आता कर्जाची परतफेड करण्याची वेळ आली होती. त्यामुळे या कंपन्यांनी आदित्यला कर्ज फेडण्यासाठी फोन करायला सुरुवात केली.आदित्यने एकूण दीड लाखांचे कर्ज घेतले होते पण त्याला 20 ते 25 दिवसांत 3 लाख परत करण्यास सांगण्यात आले. आता आधी आदित्यने फोन उचलणे बंद केले. मग आदित्यने त्वरित कर्ज अ‍ॅपच्या प्रतिनिधीकडून कर्जाची परतफेड करण्यास असमर्थता व्यक्त केली, त्यानंतर कर्ज अ‍ॅपच्या प्रतिनिधीने आदित्यला पर्याय दिला की आदित्यला त्याच्या कंपनीच्या दुसर्‍या अ‍ॅपवरून नवीन कर्ज घ्यायचे असेल आणि जुने कर्ज फेडावे लागेल.

दुसरा कोणताही पर्याय नसताना, आदित्यने मान्य केले आणि नवीन इन्स्टंट लोन अ‍ॅपवरून ३ लाख रुपये कर्ज घेऊन जुने कर्ज फेडले. त्यानंतर ही 3 लाखांची रक्कम 6 लाख 75 हजारांहून अधिक झाली तेव्हा ती फेडण्यासाठी आदित्यने पुन्हा एकदा नवीन कर्ज घेतले आणि कर्ज अ‍ॅप प्रतिनिधीचे म्हणणे मानून जुने कर्ज फेडले. 

सुमारे 3 महिने हे चक्र असेच चालू राहिले आणि आदित्यने जुने कर्ज नवीन कर्ज घेऊन फेडण्यास सुरुवात केली. त्यानंतर अचानक कर्ज अ‍ॅप्सने आदित्यला नवीन कर्ज देण्यास नकार दिला आणि जुने कर्ज फेडण्याची मागणी केली. आदित्यवर इन्स्टंट लोन अ‍ॅप्सचे एकूण कर्ज सुमारे 70 लाख होते. 

अशा स्थितीत आदित्यने भीतीपोटी फोन उचलणे बंद केल्यावर प्रथम त्याला व्हॉट्सअ‍ॅपवर धमकीचे मेसेज पाठवण्यात आले आणि त्यानंतर आदित्यच्या कुटुंबीयांना, नातेवाईकांना आदित्यला बलात्कारी असल्याचे मेसेज, अश्लील फोटो पाठवण्यास सुरुवात केली. 

आईचे दागिने गहाण ठेवले

कर्ज घेतलेल्या डिजिटल करप्शनचा बळी ठरलेल्या आदित्यने आपल्या कुटुंबाला याबद्दल सर्व काही सांगितले, त्यानंतर आदित्यच्या कुटुंबाने प्रथम आईचे दागिने, आईचा सेवानिवृत्ती निधी गहाण ठेवून आणि कमाई जोडून 67 लाख रुपये दिले. पण 67 लाख भरूनही आदित्यच्या कुटुंबीयांच्या अडचणी कमी झाल्या नाहीत आणि आजही या कंपन्या आदित्यकडून 24 लाख अधिक मागत आहेत.

अत्याचाराचे चक्र सुरुच आहे

 आदित्यने सुरुवातीला स्वतःच्या इच्छेने दीड लाख रुपयांचे कर्ज घेतले पण त्यानंतर तो अशा दलदलीत फसला गेला. ज्यामध्ये त्याला एकूण घेतलेल्या रकमेपेक्षा जास्त रक्कम देण्यास सांगण्यात आले. त्याच्या खिशातून 90 लाख रुपयांपैकी 67 लाख दिले मात्र उर्वरित 24 लाखांसाठी आजही अश्लिल फोटो पाठवणे सुरूच आहे.

 आदित्यच्या कुटुंबीयांना वाटले की 67 लाख दिल्यावर कदाचित आता कुटुंब शांततेने जगू शकेल, मात्र लोन अ‍ॅपसाठी 24 लाखांची मागणी केल्यानंतर आदित्यच्या कुटुंबीयांनी दिल्ली पोलिसांकडे जाऊन गुन्हा दाखल केला. पण तिथेही त्यांना कोणीही मदत मिळाली नाही. आता आदित्यच्या कुटुंबीयांनी हायकोर्टात याचिका दाखल करून मदत मागितली आहे.

आदित्य डिप्रेशनखाली

आदित्य झटपट कर्जाच्या दलदलीत इतका अडकला आहे की आज तो मानसिक आजारामुळे नैराश्याचा बळी ठरला आहे. त्याच्यावर उपचार सुरू आहेत. परंतु कर्जाच्या डिजिटल रिकव्हरीमुळे कोणी जगले किंवा मरण यात फरक कुठे पडतो. ते दररोज कुटुंबीयांना आणि मित्रांना शिवीगाळ, अश्लील फोटो पाठवून आदित्यचे आयुष्य खराब करण्याचा प्रयत्न करत आहेत.