हार्दिक पंड्या पुन्हा ट्रोलर्सच्या निशाण्यावर, IND VS SA मॅचमधील या कृतीमुळे भडकले फॅन्स

IND VS SA T20 2nd Match : भारत विरुद्ध दक्षिण आफ्रिका (India VS South Africa) यांच्यात चार सामन्यांची टी 20 सीरिज सुरु असून या सीरिजमधील दुसरा सामना हा रविवारी पार पडला. या सामन्यात अवघ्या तीन विकेट्सने भारताचा पराभव झाला. त्यामुळे भारत विरुद्ध दक्षिण आफ्रिका सीरिज 1-1 अश्या बरोबरीत आली आहे. या सामन्यानंतर आता भारताचा ऑल राउंडर हार्दिक पंड्या (Hardik Pandya)  ट्रोलर्सच्या निशाण्यावर आला आहे. अर्शदीप सिंह (Arshdeep Singh) सोबत केलेल्या वर्तवणुकीमुळे हार्दिकला ट्रोल केलं जात आहे. 

सेंट जॉर्ज पार्कवर भारत विरुद्ध दक्षिण आफ्रिका यांच्यात रविवारी दुसरा टी 20 सामना खेळवण्यात आला. यात दक्षिण आफ्रिकेने टॉस जिंकून गोलंदाजी निवडली आणि टीम इंडियाला प्रथम फलंदाजीचे आव्हान दिले. टीम इंडियाने 124 धावांची खेळी केली यात सर्वाधिक धावा या हार्दिक पंड्याने (39) केल्या. तर तिलक वर्माने 20 आणि अक्षर पटेलने 27 धावा केल्या. तर इतर फलंदाज हे दोन अंकी धावसंख्या सुद्धा करू शकले नाहीत. टीम इंडिया आफ्रिकेच्या गोलंदाजांसमोर मोठी खेळी करू शकली नाही. दरम्यान हार्दिक पंड्या हा खूप ओव्हर कॉन्फिडन्ट दिसला ज्यामुळे फॅन्सने त्याला ट्रोल करण्यास सुरुवात केली. 

नेमकं काय घडलं? 

टीम इंडियाच्या फलंदाजीची इनिंगची 19 वी ओव्हर सुरु असताना अर्शदीप सिंह आणि हार्दिक पंड्या हे क्रीजवर होते. यावेळी दुसऱ्या बॉलवर अर्शदीप सिंहने एक धाव घेतली त्यामुळे हार्दिक स्ट्राईकवर पोहोचला. स्ट्राईकवर आल्यावर हार्दिकने अर्शदीप दीपला म्हंटलं, 'आता तू दुसऱ्या एंडवर एन्जॉय कर'. हार्दिकचं हे बोलणं स्टंप माईकमध्ये रेकॉर्ड झालं. या इनिंगच्या शेवटचे 10 बॉल हे हार्दिकनेच खेळले मात्र यात तो केवळ 6 धावाच करू शकला. यानंतर फॅन्सने सोशल मीडियावर हार्दिकला ट्रोल करणं सुरु केलं. 

Hardik after saying enjoy from other end" to Arshdeep after he took a single on overs
pic.twitter.com/BkfDTwW0xD

— Sharma_bharatNovember 10, 2024

Hardik Pandya said to Arshdeep in the 19th over. Enjoy now

But failed to touch 3 balls INDvsSA Hardik Pandya pic.twitter.com/YxfHSVfR4N

— Abhinav prakash  (imabhi0012) November 10, 2024

टीम इंडिया :

संजू सॅमसन (विकेटकीपर), अभिषेक शर्मा, सूर्यकुमार यादव (कर्णधार), तिलक वर्मा, हार्दिक पंड्या, रिंकू सिंग, अक्षर पटेल, अर्शदीप सिंग, रवी बिश्नोई, वरुण चक्रवर्ती, आवेश खान