मराठी साहित्य संमेलन उद्घाटन : संमेलनामुळे मराठी भाषा समृद्ध - CM

डोंबिवली : 90 व्या अखिल भारतीय मराठी साहित्य संमेलनाचं सांस्कृतिक शहर डोंबिवलीमध्ये थाटात उद्घाटन झाले. मुख्यमंत्री देवेंद्र फडणवीस यांच्या हस्ते दीपप्रज्वलन करून मराठी सारस्वतांचा हा सोहळा सुरू झाला. अशी संमेलनामुळे  मराठी भाषा समृद्ध होते, असे प्रतिपादन मुख्यमंत्र्यांनी केले.

हभप सावळाराम महाराज म्हात्रे क्रीडासंकुलाच्या विस्तीर्ण पटांगणावर 90 वे अखिल भारतीय मराठी साहित्य संमेलन भरवण्यात आलंय. अनेक साहित्य प्रेमी, वाचक, लेखक मंडळींसह संमेलनाला 11 ते 12 हजार नागरिक उपस्थित राहण्याची शक्यता आहे. 

उद्घाटन सोहळ्यास संमेलनाध्यक्ष डॉ. अक्षयकुमार काळे, मावळते अध्यक्ष डॉ. श्रीपाल सबनीस, स्वागताध्यक्ष गुलाब वझे, महापौर राजेंद्र देवळेकर, प्रख्यात हिंदी कवी विष्णू खरे, समीक्षक डॉ. म. सु. पाटील उपस्थित होते.

९० व्या अ. भा. मराठी साहित्य संमेलनाचे मुख्यमंत्री श्री @Dev_Fadnavis यांच्या हस्ते उदघाटन,राज्यमंत्री रवींद्र चव्हाण उपस्थित#साहित्यसंमेलन pic.twitter.com/nWasJhYDje

— CMO Maharashtra (@CMOMaharashtra) February 3, 2017

९० वे अखिल भारतीय मराठी साहित्य संमेलन डॉ. अक्षयकुमार काळे यांच्या अध्यक्षतेखाली डोंबिवलीत सुरू झाले असून ते ३ ते ५ फेब्रुवारी दरम्यान आहे.

आपल्या उद्घाटनपर भाषणात सुरूवातीलाच मुख्यमंत्र्यांनी निवडणूक आयोग आणि आचारसंहितेवर भाष्य केले. आयोगाने आपल्याला परवानगी दिली नसती, तर निवडणूक आयुक्तांच्या हस्ते उद्घाटन करावे लागले असते, असे ते विनोदाने म्हणाले.

तंत्रज्ञान जात, धर्मभेद पाळत नाही.
मराठी ही माहिती-तंत्रज्ञानाची भाषा व्हावी: मुख्यमंत्री श्री @Dev_Fadnavis

— CMO Maharashtra (@CMOMaharashtra) February 3, 2017

मराठी भाषेचा गोडवा नवीन पिढीत निर्माण करायचा असेल,तर डिजिटल व्यासपीठावर साहित्य सोप्या पद्धतीने उपलब्ध व्हावे:मुख्यमंत्री श्री @Dev_Fadnavis

— CMO Maharashtra (@CMOMaharashtra) February 3, 2017

प्रगत शैक्षणिक अभियानातून राज्यातील शैक्षणिक गुणवत्ता वाढली. #मराठी शाळेतील टक्का वाढला: मुख्यमंत्री श्री @Dev_Fadnavis #साहित्यसंमेलन pic.twitter.com/OFrlvWT2Sh

— CMO Maharashtra (@CMOMaharashtra) February 3, 2017

मराठी जगविण्यासाठी तिला ज्ञानभाषा म्हणून स्वीकारले गेले पाहिजे: मुख्यमंत्री श्री @Dev_Fadnavis pic.twitter.com/iOs2g73qED

— CMO Maharashtra (@CMOMaharashtra) February 3, 2017

डोंबिवली: संस्कृतीचे रक्षण आणि संवर्धन मराठी करेलच. मराठीने साहित्यात दिलेले योगदान मोठे: मुख्यमंत्री श्री @Dev_Fadnavis #साहित्यसंमेलन

— CMO Maharashtra (@CMOMaharashtra) February 3, 2017

साहित्य संमेलनांसारख्या व्यासपीठांमुळे मराठी भाषा समृद्ध होत असल्याचं सांगतानाच मराठी शाळा वाचवायच्या असतील तर 21व्या शतकातलं तंत्रज्ञान आणलं पाहिजे, असं आग्रही प्रतिपादन मुख्यमंत्र्यांनी केलं.