'कोल्हापुरातल्या बड्या नेत्याचा लवकरच भाजपमध्ये प्रवेश'

कोल्हापूर : कोल्हापूर जिल्ह्यातला मोठा नेता दोन दिवसात भाजपमध्ये प्रवेश करणार असल्याचा गौप्यस्फोट महसुलमंत्री चंद्रकांत पाटील यांनी केला आहे. नगरपालिका निवडणुकीच्या प्रचारासाठी काल चंद्रकांत पाटील यांची कागलमध्ये जाहीर सभा आयोजित केली होती.

चंद्रकांत पाटील यांनी केलेल्या या वक्तव्यामुळे अनेकांच्या भुवया उंचावल्या आहेत. तसंच भाजपमध्ये जाणारा तो बडा नेता कोण याबाबत कोल्हापुरात वेगवेगळ्या चर्चा सुरु झाल्या आहेत.