मोदींकडून राहुल गांधींना वाढदिवसाच्या शुभेच्छा

नवी दिल्ली : पंतप्रधान नरेंद्र मोदी यांनी ट्विटरच्या माध्यमातून, काँग्रेस उपाध्यक्ष राहुल गांधी यांना शुभेच्छा दिल्या. राहुल यांचा आज ४६ वा वाढदिवस आहे.

काँग्रेस उपाध्यक्ष राहुल गांधींना वाढदिवसाच्या शुभेच्छा. त्यांना दिर्घायुष्य आणि निरोगी आयुष्य लाभो हि माझी प्रार्थना, असं पंतप्रधान मोदींनी ट्विटमध्ये म्हटले आहे.

राहुल गांधी यांना काँग्रेसच्या सर्व प्रमुख नेत्यांसह भाजपच्याही काही नेत्यांनी ट्विटरवरून शुभेच्छा दिल्या आहेत. 

राहुल गांधी आज सकाळी काँग्रेसच्या वरिष्ठ नेत्यांशी चर्चा करणार आहेत. त्यानंतर काँग्रस मुख्यालयात त्यांच्या वाढदिवसानिमित्त कार्यक्रमाचे आयोजन करण्यात आले आहे. या कार्यक्रमाला ते उपस्थित राहणार आहेत.