पाच दिवसात २०० कोटींची विक्रमी ‘धूम’

www.24taas.com, झी मीडिया, मुंबई
आमीर खानचा बिगबजेट धूम 3 बॉक्स ऑफिसवर चांगलाच गाजतोय. अवघ्या पाच दिवसांमध्ये या चित्रपटाने तब्बल 200 कोटींची कमाई केली आहे. मिस्टर परफेक्शनिस्ट आमीर खानच्या धूम 3 ने बॉक्स ऑफिसवर चांगलाच धुमाकूळ घातलाय.
धूम आणि धूम 2 प्रमाणे धूम 3नेही रसिकांवर चांगलीच भुरळ घातली.. सुपरस्टार आमीरचा खलनायकी अवतार, हॉट कतरिनाच्या मनमोहक अदा आणि जोडीला अभिषेक- उदय चोप्राची केमिस्ट्री यामुळे धूम 3 नावाची बाईक बॉक्स ऑफिसवर सुसाट निघालीय.
अवघ्या पाच दिवसांमध्ये धूम 3 ने तब्बल 200 कोटींची कमाई केली असून बॉक्स ऑफिसवरचे सगळे विक्रम तोडण्याच्या दिशेने वाटचाल सुरु आहे. शाहरुख खानच्या " चेन्नई एक्सप्रेस"चा 226 कोटींचा तर ह्रतिक रोशनच्या "क्रिश 3" चा 240 कोटींचा रेकाँर्ड तोडून कमाईचे सगळे विक्रम हा चित्रपट मोडेल असा अंदाजही व्यक्त करण्यात येतोय..

• इतर ताज्या बातम्या सदैव पाहण्यासाठी झी २४ तासला फेसबुकवर जॉइंन करा.
• झी २४ तासला ट्विटरवर फोलो करा.