Mumbai News : ओशिवारामध्ये अग्नितांडव! फर्निचर मार्केटमध्ये भीषण आग

Mumbai News : मुंबईच्या (Mumbai) ओशिवारा (Oshiwara) भागात भीषण आग (Fire) लागल्याची घटना समोर आली आहे. ओशिवाराच्या फर्निचर मार्केटमध्ये (furniture market) लागलेल्या या आगीने रौद्र रुप धारण केले होते. जोगेश्वरीतील राम मंदिराजवळील फर्निचर मार्केटजवळ ही आग लागली आहे. या घटनेत आतापर्यंत कोणीही जखमी झाल्याची माहिती समोर आलेली नाही. अग्निशमन दलाच्या अनेक गाड्या घटनास्थळी दाखल झाल्या असून आग विझवण्याचे काम सुरू आहे. आग एवढी भीषण आहे की, मोठ्या प्रमाणात आगीच्या ज्वाळा बाहेर पडत होत्या. या आगीमुळे धुराचे लोट उठवले होते. घटनास्थळी स्थानिक नागरिकांनी मोठी गर्दी केली होती. 

ओशिवरा फर्निचर मार्केटमध्ये सोमवारी सकाळी 11 वाजण्याच्या सुमारास ही आग लागली. यापूर्वी रिलीफ रोडवरील फर्निचरच्या गोदामाला आग लागल्याचे वृत्त आले होते. मात्र आग कशामुळे लागली हे अद्याप समजू शकलेले नाही. तपासानंतरच आग लागण्याचे कारण समोर येईल. सध्या आगीवर नियंत्रण मिळवण्याचे काम सुरू आहे.

Mumbai | Fire breaks out in a furniture godown located in Jogeshwari West. Fire engines present at the spot, no casualty reported pic.twitter.com/v6TbTdYV56

TRENDING NOW

news

— ANI (@ANI) March 13, 2023

अभिनेत्री क्रांती रेडकरेनेही दिली माहिती

आग लागल्याची ठिकाणी मुंबई अग्निशमन दलाचे पथक दाखल झाले आहे. ते त्यांचे काम करत आहेत. मुंबई पोलिसांचे आभार, असे क्रांती रेडकरेने आपल्या ट्विटमध्ये म्हटलं आहे.

The fire department of mumbai has arrived , they are doing their job. Thank you @MumbaiPolice pic.twitter.com/RaSQEW7B8v

— KRANTI REDKAR WANKHEDE (@KrantiRedkar) March 13, 2023

40 दुकाने आगीच्या भक्ष्यस्थानी

ओशिवरा फर्निचर मार्केटला लागलेल्या आगीत 30 ते 40 दुकाने जळून खाक झाल्याची माहिती समोर आली आहे. आगीमागे सिलिंडरचा स्फोट झाल्याचे कारण सांगितले जात आहे. मात्र, याबाबत ठोस माहिती समोर आलेली नाही. परिसरात 200 हून अधिक दुकाने आहेत. अद्यापही आगीवर नियंत्रण मिळवण्यात यश आलेले नाही.