Viral Video : डोक्यात हंडा, पाठीला झाडू अन् भन्नाट स्टेप्स; काकांच्या कोंबडी डान्सवर नेटकरी फिदा

Viral Video Man Performs Murga Dance: लग्न असो किंवा एखादा पार्टी असो डान्स करणारे अशा कार्यक्रमांचा अगदी मनापासून आनंद घेतात. लग्नांमध्ये आणि वरातींमध्ये तर अगदी नागिन डान्सपासून अतरंगी आणि अजबगजब डान्सही चांगलेच चर्चेत असतात. अनेकांच्या डान्स स्टेप्स पाहून तर हसू आवरत नाही. तर काही लोक हाती लागेल ते सामान म्हणजेच प्रॉप्स वापरुन डान्स करतात. काहीजण तर काही गोष्टी अशा भन्नाट पद्धतीने वापरतात की तुम्ही त्याचा विचारही करु शकत नाही. असाच एक क्रिएटीव्ह डान्स सध्या सोशल मीडियावर व्हायरल झाला आहे. हा डान्स पाहून नक्कीच तुमची झोप उडेल.

या व्हिडीओमध्ये एक काका अजब डान्स करताना दिसत आहेत. काकांचा हा डान्स पाहून तुम्ही नक्कीच नागिन डान्स विसराल. हे काका कोंबडा डान्स करताना दिसत आहेत. विशेष म्हणजे हा डान्स करताना हे काका अगदी तयारीने डान्स फ्लोअवर आल्याचं दिसत आहे. या काकांनी डोक्यात एक हंड्यासारखं भांडं घातलं आहे. तर आपल्या पाठीमागे त्यांनी एक झाडू उलटा लावला आहे. व्हिडीओमध्ये हे काका कोंबडा डान्स करताना उपस्थितांना खदखदून हसवताना दिसत आहे. हा डान्स पाहून उपस्थित व्यक्तीही आश्चर्याने या काकांची एनर्जी आणि त्यांनी केलेल्या डान्सचं कौतुक करताना दिसत आहे. हा व्हिडीओ पाहून तुमच्या चेहऱ्यावरही हसू उमटेल यात शंका नाही. तुम्हीच पाहा हा व्हिडीओ...

 

 

 

 

View this post on Instagram

 

 

 

 

 

 

 

 

 

 

 

A post shared by marwadi_style_pali वैष्णव की जलक (@marwadi_style_pali)

इन्स्टाग्रामवर मारवाडी स्टाइल पाली नावाच्या अकाऊंटवरुन हा व्हिडीओ शेअर करण्यात आला आहे. या व्हिडीओला 46 हजारांहून अधिक लाइक्स मिळाले आहेत. हा व्हिडीओ पाहून अनेकांना हसू अनावर झालं आहे. अनेकांनी यावर मजेदार प्रतिक्रिया नोंदवल्या आहेत. मात्र हा व्हिडीओ कुठे शूट करण्यात आला आहे, डान्स करणारी व्यक्ती कोण आहे, हा कार्यक्रम कोणता होता यासंदर्भातील माहिती समोर आलेली नाही. मात्र या काकांच्या डान्सला नेटकऱ्यांनी मनापासून दाद दिल्याचं दिसून येत आहे.