श्रद्धा हत्याकांड 2.0 : लिव इन पार्टनरची हत्या, 10 महिने फ्रीजमध्ये ठेवला मृतदेह; लाईट गेल्यानंतर...
देशाला हादरवून टाकणारी घटना समोर आली आहे. 5 वर्षे एकत्र लिव इनमध्ये राहणाऱ्या प्रियकराने आपल्या प्रेमिकेला जीवे मारलं. तब्बल 11 महिने मृतदेह फ्रीजमध्ये लपवलं.
)
दिल्लीतील श्रद्धा वालकर हत्याकांडासारखाच एक धक्कादायक प्रकार मध्य प्रदेशातील दमोह येथे उघडकीस आला आहे. जिथे एका तरुणाने 10 महिन्यांपूर्वी त्याच्या लिव्ह-इन प्रेयसीची हत्या करून तिचा मृतदेह फ्रीजमध्ये ठेवला होता. शहरातील वीज गेल्यानंतर खोलीतून दुर्गंधी येत असताना ही हत्या उघडकीस आली. या प्रकरणात पोलिसांनी आरोपी प्रियकराला अटक केली आहे. तसेच, या प्रकरणात पोलिसांनी मोठा खुलासा केला आहे.
पोलिसांनी दिलेल्या माहितीनुसार, महिलेची हत्या करणारा तरुण तिच्यासोबत लिव्ह-इन रिलेशनशिपमध्ये राहत होता. प्रेयसी त्याच्यावर लग्नासाठी दबाव आणत होती. यामुळे आरोपी संयाजने नाराज होऊन असे पाऊल उचलले. आरोपी संजयने 10 महिन्यांपूर्वी त्याच्या लिव्ह-इन पार्टनरची हत्या केली होती आणि तिचा मृतदेह फ्रिजमध्ये ठेवून पळून गेला होता. पोलिसांनी आरोपी संजय पाटीदारला उज्जैन येथून अटक केली आहे.
हत्येचे रहस्य झाले उघड
आरोपी संजय पाटीदार त्याच्या लिव्ह-इन पार्टनरसोबत भाड्याच्या खोलीत राहत होता. त्याने 10 महिन्यांपूर्वी प्रेयसीचा गळा दाबून खून केला. वीज खंडित झाल्यानंतर घरात राहणाऱ्या इतर भाडेकरूंना दुर्गंधी येत असताना हा खून उघडकीस आला. पोलिसांना याची माहिती देण्यात आली. घटनास्थळी पोहोचलेल्या पोलिसांना फ्रिजमध्ये मृतदेह पाहून धक्काच बसला. शरीर पूर्णपणे काळे झाले होते. पोलिसांनी दिलेल्या माहितीनुसार, डॉक्टरांचे एक पॅनेल महिलेचे शवविच्छेदन करेल. त्याच वेळी, घरमालकाने सांगितले की, संजय खोलीला कुलूप लावून निघून गेला आहे. तो भाडेही देत नव्हता. सतत काही ना काही सबबी सांगत होता.
शेजाऱ्यांशी चौकशी केली असता
पोलिसांनी दिलेल्या माहितीनुसार, घरमालक धीरेंद्र श्रीवास्तव यांनी जुलै 2023 मध्ये संजय पाटीदार यांना हे घर भाड्याने दिले होते. संजयने जून 2024 मध्ये घर रिकामे केले. पण मी माझे काही सामान एका खोलीत ठेवले होते, त्यात फ्रीज देखील आहे. या फ्रिजमध्ये महिलेचा मृतदेह आढळला. या प्रकरणी पोलिसांनी शेजाऱ्यांकडे चौकशी केली असता, पिंकी उर्फ प्रतिभा प्रजापती ही उज्जैनमधील संजय पाटीदार यांच्यासोबत घरात राहत असल्याचे समोर आले. शेजाऱ्यांनी सांगितले की, मार्च 2024 पासून प्रतिभाला कोणीही पाहिले नव्हते. शेजारी विचारल्यावर संजय सांगायचा की पिंकी तिच्या आईवडिलांच्या घरी गेली आहे.