Bank Locker :दागिने चोरीला गेल्यास आता घाबरू नका; 'या' योजनेतून मिळेतील पूर्ण पैसे

Expensive Jewelry Safe At Home : सणासुदीच्या काळात सोने-चांदी खरेदी करणाऱ्यांकडे लोकांचा कल जास्त प्रमाणात असतो. मात्र, दागिने खरेदी करताना ते सुरक्षित ठेवण्याची ही चिंता तेवढीच वाढते. लोकांना दागिने घेणे जितके आवडते तितकेच ते हरवण्याची भीती जास्त असते. या भीतीवर मात करण्यासाठी लोक बँकांमध्ये लॉकरची सुविधा घेतात.

परंतु प्रत्येकाला लॉकरची सुविधा मिळणे सोपे नसते. आताही शहरातील बहुतांश लोक दागिने घरीच ठेवतात. बरं, दागिने घरात ठेवणे सुरक्षित मानले जात नाही. आज आम्ही तुम्हाला एक असा उपाय सांगणार आहोत, ज्याद्वारे तुमचे दागिने देखील सुरक्षित राहतील आणि चोरी झाल्यास तुम्हाला तुमच्या दागिन्याइतकेच पैसे मिळतील.

विमा कंपन्यांची पॉलिसी काय असते?

दागिन्यांवर विमा संरक्षण (Insurance coverage) घेतल्यास तुम्ही दागिने चोरीला आणि दागिने गायब होण्याच्या तणावापासून मुक्त होऊ शकता. विमा कंपन्या दागिन्यांच्या संरक्षणासाठी दोन प्रकारच्या योजना देतात. या दोन प्रकारच्या पॉलिसींपैकी एक म्हणजे होम इन्शुरन्स पॉलिसी (Home Insurance Policy) आणि दुसरी स्टँड-अलोन ज्वेलरी पॉलिसी (Stand-Alone Jewelery Policy). गृह विमा पॉलिसीमध्ये घरात ठेवलेल्या दागिन्यांना संरक्षण दिले जाते. 

परंतु दागिने चोरीला गेल्यास किंवा हरवल्यास तुम्हाला पूर्ण रक्कम मिळत नाही. जर तुम्हाला दागिन्यांचे संपूर्ण संरक्षण हवे असेल तर तुम्हाला कंपनीकडून स्टँडअलोन ज्वेलरी इन्शुरन्स पॉलिसी (Standalone Jewelery Insurance Policy) घ्यावी लागेल. यामध्ये 10 लाख रुपयांपर्यंतच्या दागिन्यांवर महिन्याला 1 हजार रुपयांपर्यंतचा प्रीमियम जमा करावा लागतो. यासह, दागिने चोरीला गेल्यास किंवा गायब झाल्यास तुम्हाला दागिन्याइतकाच पूर्ण परतावा मिळतो.

या गोष्टींची काळजी घ्या

कोणत्याही प्रकारच्या योजनेचा लाभ घेण्यापूर्वी दागिन्यांचे बाजारमूल्य शोधून काढा. यासाठी तुम्हाला जवळच्या अधिकृत ज्वेलरी शॉपशी बोलावे लागेल. त्याची अचूक किंमत ज्वेलर तुम्हाला सांगेल. कधीकधी असे होते की विमा कंपनी विमा दावा करताना दागिन्यांची किंमत कमी करते. अशी पॉलिसी घेण्याची तयारी करताना कंपनीच्या रिफंड नियमांची योग्य माहिती घ्या. स्टँडअलोन ज्वेलरी विम्याची निवड करताना, नैसर्गिक आपत्ती विभागावर लक्ष ठेवा.