सामान्य व्यक्तीप्रमाणे डिझेल भरण्यासाठी पोहोचले मंत्री महोदय, अशी पकडली चोरी, पेट्रोलपंप सील

सुरत : गुजरातमधील सुरत येथील पेट्रोल पंपावर कपात करणे पंपमालकाला महागात पडले. इथे जे घडले ज्याची कोणी कल्पनाही केली नसेल. केंद्र सरकारच्या निर्णयानंतर देशात कुठे पेट्रोल-डिझेलचे दर (Petrol- diesel rate) कमी झाले आहेत. असे असतानाही मोजमापापेक्षा कमी तेल मिळत असल्याच्या तक्रारीने आता अनेक ठिकाणचे नागरिक त्रस्त झाले आहेत. गुजरात सरकारचे पेट्रोलियम मंत्री मुकेश पटेल (Mukesh Patel) जेव्हा अशाच समस्येचे बळी ठरले तेव्हा त्यांनी तो पंप रातोरात सील केला. (Petrol pump Seal by minister)

जिल्हा प्रशासनाच्या अधिकाऱ्यांनी दिलेल्या माहितीनुसार, राज्याचे पेट्रोलियम मंत्री आणि ओलपाडचे भाजप आमदार मुकेश पटेल हे रविवारी रात्री उशिरा त्यांच्या विधानसभा मतदारसंघातील नियारा पेट्रोल पंपावर त्यांच्या खाजगी वाहनात पेट्रोल भरण्यासाठी पोहोचले होते. ज्यांच्यासोबत ना पोलीस होते ना कोणता ताफा. कारण ते अचानक तपासणीसाठी गेले होते. यादरम्यान पंपचालकाला डिझेल भरण्यास सांगितले. त्यानंतर त्यांनी सांगितले की, पंपाचे मीटर बंद आहे, मी असेच तेल भरू का, अशी तक्रार मुकेश पटेल यांनी पंपाच्या व्यवस्थापकाकडे केली असता त्यांनी आपल्या कर्मचाऱ्याचा बचाव करत मीटर मागे असल्याचे सांगितले.

चोरी पकडली

इंडियन एक्स्प्रेसमध्ये प्रसिद्ध झालेल्या वृत्तानुसार, पंपाची चोरी पकडताना राज्याचे पेट्रोलियम मंत्री मुकेश पटेल यांनी सांगितले की, त्यांच्या गाडीची टाकी आधीच डिझेलने भरलेली होती आणि केवळ पंपाची चोरी पकडण्यासाठी त्यांनी भरण्यास सांगितले. टाकीत क्षमतेपेक्षा जास्त डिझेल कसे काय बसू शकते. त्यामुळे पंप मालकाची चोरी पकडली गेली.

या भेटीदरम्यान मंत्री मुकेश पटेल यांनी सर्वप्रथम आपल्या कारमध्ये 4 हजाराचे डिझेल भरले. मात्र पंपाच्या मीटरमध्ये पैसे व तेलाची रक्कम स्पष्टपणे दिसत नव्हती. यावर त्यांनी पंपाच्या कर्मचाऱ्याला जाब विचारला असता, तो नीट काही सांगू शकला नाही. यानंतर मंत्र्यांनी जिल्हाधिकाऱ्यांना फोन करून या घोटाळ्याची माहिती दिली. तत्काळ पुरवठा विभागाचे अधिकारी आले आणि त्यांनी रात्रीच पंप सील केला.