7th Pay Commission | केंद्रीय कर्मचाऱ्यांसाठी खुशखबर; 'या' 4 भत्त्यामध्ये होणार वाढ

7th Pay Commission Latest News: तुम्हीही केंद्रीय कर्मचारी असाल तर ही बातमी तुमच्यासाठी आहे. केंद्र सरकारने यापूर्वी 3 टक्के डीए वाढ करण्यास मंजुरी दिली आहे. यानंतर केंद्रीय कर्मचाऱ्यांचा महागाई भत्ता 34 टक्के झाला आहे. यानंतर आता कर्मचाऱ्यांच्या पगारात पुन्हा वाढ होणार आहे.

कर्मचार्‍यांचे इतर 4 भत्ते वाढविण्याचा सरकार विचार करत आहे. या भत्त्यांवर शिक्कामोर्तब झाल्यास कर्मचाऱ्यांच्या पगारात बंपर वाढ होणार आहे. 

केंद्रीय कर्मचाऱ्यांच्या महागाई भत्त्यात 3 टक्के वाढ केल्यानंतर आता इतर भत्त्यांमध्येही वाढ होणार आहे. कर्मचाऱ्यांचे पगार पुढील महिन्यात वाढणार आहेत. यासोबतच कर्मचाऱ्यांना 3 महिन्यांची थकबाकीही मिळणार आहे.

7th Pay Commission Latest News:

TA आणि CA मध्ये वाढ

महागाई भत्ता वाढल्यानंतर कर्मचाऱ्यांचा प्रवास भत्ता आणि City Allowance वाढणार आहे. प्रत्यक्षात डीए वाढल्यानंतर टीए आणि सीए वाढीचा मार्ग मोकळा झाला आहे.

ग्रॅच्युइटी वाढेल

याशिवाय भविष्य निर्वाह निधी आणि ग्रॅच्युइटीमध्येही वाढ होणार आहे. केंद्रीय कर्मचाऱ्यांचा मासिक पीएफ आणि ग्रॅच्युइटी मूळ वेतन आणि डीएमधून मोजली जाते. अशा परिस्थितीत, महागाई भत्त्यात वाढ झाल्यामुळे, पीएफ आणि ग्रॅच्युइटी वाढण्याची खात्री आहे.

नोकरदारांना दुहेरी फायदा

डीएमध्ये वाढ झाल्यामुळे केंद्रीय कर्मचाऱ्यांच्या घरभाडे भत्त्यात आणि प्रवास भत्त्यात निश्चित वाढ होणार आहे. कर्मचाऱ्यांना एकाच वेळी चार भत्त्यांमध्ये वाढीचा लाभ मिळू शकतो. सरकारी कर्मचाऱ्यांचा महागाई भत्ता अवघ्या 9 महिन्यांत दुप्पट झाला आहे. आता कर्मचाऱ्यांसह पेन्शनधारकांना 34% दराने DA आणि DR मिळेल.

सरकारवरील बोजा वाढेल

सरकारच्या या घोषणेनंतर 50 लाख कर्मचारी आणि 65 लाख पेन्शनधारकांना याचा लाभ मिळणार आहे. दुसरीकडे, यामुळे सरकारवर वार्षिक 9455.50 कोटींचा बोजा वाढणार आहे.