फटाके बंदीची मागणी करणाऱ्यांवर कंगना राणौत बरसली, दिला हा खोचक सल्ला

मुंबई : इशा फाऊंडेशनचे संस्थापक सदगुरु जग्गी वासुदेव यांनी बुधवारी सांगितले की, दिवाळीत फटाक्यांवर बंदी घालू नये असं म्हटलं होतं. फटाके फोडण्यावर बंदी घालण्यावरून देशभरात वाद सुरू झाला आहे. या प्रकरणात, चित्रपटसृष्टीतील सर्वात चर्चेत असणारी अभिनेत्री कंगना राणौतचे नावही सद्गुरूंना पाठिंबा देणाऱ्यांमध्ये सामील झाले आहे. फटाक्यांना विरोध करणाऱ्यांना कंगनाने एक सल्लाही दिला आहे. (Kangana Ranaut lashed out at those demanding a ban on firecrackers)

कंगनाने तीन दिवस कार बंद ठेवण्याचा सल्ला दिला

वास्तविक कंगना रणौत (Kangana Ranaut) अध्यात्मिक गुरू जग्गी वासुदेव यांना सद्गुरू मानते. तिने तिच्या इंस्टाग्राम स्टोरीमध्ये जग्गी वासुदेव यांचा एक व्हिडिओ शेअर केला आहे ज्यामध्ये सद्गुरु लहानपणी फटाके ( firecrackers) फोडण्याच्या त्यांच्या आठवणी शेअर करत आहेत. या व्हिडिओद्वारे कंगनाने दिवाळीत फटाके बंदीचे समर्थन करणाऱ्यांवरही ताशेरे ओढले आहेत. फटाक्यांचा प्रभाव कमी करण्यासाठी लोकांनी 3 दिवस कार वापरणे बंद करावे, असा सल्ला दिला आहे.

कंगनाने लिहिले की, 'दिवाळीच्या सर्व पर्यावरण कार्यकर्त्यांना योग्य उत्तर, 3 दिवस तुमची गाडी सोडून पायी ऑफिसला जा.' याशिवाय कंगनाने सद्गुरूंचे कौतुक करताना लिहिले, 'ही अशी व्यक्ती आहे ज्यांनी लाखो झाडे लावून जगात हिरवळ वाढवण्याचा विश्वविक्रम केला आहे.'

दिवाळीच्या पूर्वसंध्येला सद्गुरू म्हणाले की, 'वायू प्रदूषणाची चिंता म्हणजे फटाके फोडण्याचा आनंद मुलांपासून वंचित ठेवण्याचे कारण नाही.... त्यांना फटाक्यांचा आनंद घेऊ द्या.' लोकांना दिवाळीच्या खूप खूप शुभेच्छा देताना वासुदेव म्हणाले, "संकटाच्या वेळी आनंद, प्रेम आणि चैतन्याचा प्रकाश महत्त्वाचा असतो. ते म्हणाले, 'या दिवाळीत तुमची माणुसकी पूर्णपणे उजळून निघो. सर्वांना प्रेम आणि शुभेच्छा.'

न्यायालयानेही ही बंदी चुकीची असल्याचे म्हटले आहे

फटाक्यांवर पूर्ण बंदी घालता येणार नाही आणि त्याचा गैरवापर रोखण्यासाठी यंत्रणा मजबूत करावी लागेल, असे सर्वोच्च न्यायालयाने सोमवारी सांगितले. कोविड-19 महामारीच्या पार्श्वभूमीवर वायू प्रदूषण रोखण्यासाठी काली पूजा, दिवाळी आणि वर्षातील इतर काही सणांमध्ये फटाक्यांवर बंदी घालण्याचा कलकत्ता उच्च न्यायालयाचा आदेश बाजूला ठेवताना सर्वोच्च न्यायालयाने हे सांगितले.

या चित्रपटांमध्ये कंगना दिसणार आहे

कंगना राणौत लवकरच 'धाकड', 'तेजस' आणि 'इमर्जन्सी' सारख्या चित्रपटांमध्ये दिसणार आहे. या चित्रपटांशिवाय कंगना 'मणिकर्णिका रिटर्न्स: द लिजेंड ऑफ दिड्डा' आणि 'सीता- द इन्कारनेशन'मध्येही काम करणार आहे. यासोबतच कंगना 'टिकू वेड्स शेरू' या आणखी एका चित्रपटाची निर्मिती करत आहे.