'आम्ही पण मुस्लीम, आमच्याकडून शिका'; या देशाने तालिबानला झापलं

नवी दिल्ली : तालिबानला उघडपणे पाठिंबा देणाऱ्या कतारला सध्या या संघटनेवर खूप राग आहे. एका उच्च कतारी मुत्सद्दीने म्हटले आहे की, मुलींच्या शिक्षणाबाबत तालिबानचा दृष्टिकोन अत्यंत निराशाजनक आहे आणि ही खेळी अफगाणिस्तानला आणखी मागे ढकलेल. ते असेही म्हणाले की, 'जर तालिबानला खरोखरच आपल्या देशात इस्लामिक व्यवस्था चालवायची असेल तर तालिबानने कतारकडून शिकले पाहिजे.'

कतारचे परराष्ट्र मंत्री शेख मोहम्मद बिन अब्दुल रहमान अल थानी यांनी युरोपीयन परराष्ट्र धोरण प्रमुख जोसेफ बोरेल यांच्याशी पत्रकार परिषदेत चर्चा केली आणि अफगाणिस्तानात मुलींच्या शिक्षणावर घातलेली बंदी निराशाजनक असल्याचे म्हटले, त्यात अनेक मुद्द्यांचा समावेश आहे. ते म्हणाले की, अलीकडे अफगाणिस्तानमध्ये ज्या प्रकारची पावले उचलली गेली ती दुर्दैवी आहेत. अफगाणिस्तान विकासाच्या मार्गाने खूप पुढे जाऊ शकतो. पण अशी काही पावले उचलली गेली आहेत हे पाहून अत्यंत निराशा झाली आहे.'

उल्लेखनीय म्हणजे, अमेरिकन सैन्य माघारीनंतर गेल्या काही आठवड्यांत अफगाणिस्तानमध्ये अशांतता आहे आणि कतारने या संवेदनशील काळात अफगाणिस्तानला खूप मदत केली आहे. कतारने काबूल विमानतळाचे कामकाज हाताळण्यास मदत केली. याशिवाय हजारो परदेशी आणि अफगाणिस्तानांतील लोकांना ही या देशातून बाहेर पडण्यास मदत झाली. याव्यतिरिक्त, तालिबानने सत्ता हाती घेतल्यानंतर कतार आपला उच्चस्तरीय शिष्टमंडळ अफगाणिस्तानला पाठवणारा जगातील पहिला देश बनला.

शेख मोहम्मद पुढे म्हणाले की, आपल्याला तालिबानशी चर्चा सुरू ठेवण्याची गरज आहे आणि त्यांना वादग्रस्त कारवाईपासून दूर राहण्याचा आग्रह करावा. आम्ही इस्लामिक देश म्हणून कायदे कसे चालवू शकतो आणि महिलांच्या समस्यांना कसे सामोरे जाऊ शकतो हे तालिबानला दाखवण्याचा प्रयत्न करीत आहोत. ते म्हणाले की, एक उदाहरण कतारचे आहे. हा मुस्लीम देश आहे. आमची व्यवस्था इस्लामिक व्यवस्था आहे परंतु जेव्हा कार्यशक्ती किंवा शिक्षणाचा प्रश्न येतो तेव्हा तुम्हाला कतारमधील पुरुषांपेक्षा जास्त स्त्रिया मिळतील.'

शेख मोहम्मद यांनी तालिबानकडून आशा व्यक्त केली की ते गेल्या काही वर्षांमध्ये अफगाणिस्तानमध्ये झालेली प्रगती कायम ठेवतील. यासह, त्याने आंतरराष्ट्रीय समुदायाला देखील आवाहन केले आहे की संवेदनशील परिस्थितीतून जात असलेल्या अफगाणिस्तानला वेगळे करू नका. त्याच जोसेफ बोरेलनेही शेख मोहम्मद यांच्याशी सहमती दर्शवली आणि सांगितले की, अलिकडच्या काळात अफगाणिस्तानात ज्या गोष्टी घडल्या आहेत त्या खरोखरच निराशाजनक आहेत. परंतु आम्हाला आशा आहे की अफगाणिस्तान सरकार चांगले काम करेल आणि कतार तालिबानवरील आपल्या मजबूत प्रभावाचा वापर अफगाण लोकांच्या भल्यासाठी काम करण्यास सक्षम असेल.'