Black Hole NASA : अंतराळात सापडली सोन्याची खाण, गॅमा किरणामुळे उलगडल रहस्य

Black Hole NASA : अंतराळात मोठा स्फोट झाल्याची घटना घडलीय. गॅमा किरणांमुळे (gama rays) हा स्फोट झाल्याची माहिती आहे. खगोलीय घटना ब्लॅक होलसह (black whole) ताऱ्यांच्या टक्करमुळे घडल्याचा शास्त्रज्ञाचा दावा आहे. लीसेस्टर विद्यापीठातील भौतिकशास्त्रज्ञांसह शास्त्रज्ञांच्या पथकाने या स्फोटाला दुर्मिळ वैश्विक घटना म्हटले आहे.

शक्तिशाली स्फोटाचे नाव काय?

गॅमा किरणांचे (gama rays)  स्फोट हे विश्वातील सर्वात शक्तिशाली स्फोट असल्याचे बोलले जाते. हा स्फोट डिसेंबर 2021 मध्ये जवळच्या आकाशगंगेतून आढळून आला होता. शास्त्रज्ञांनी या स्फोटाला GRB 211211A असे नाव दिले आहे. ही अपेक्षेपेक्षा जास्त इन्फ्रारेड प्रकाश उत्सर्जित करते. त्याच्या संशोधनानुसार प्रकाश किलोनोव्हापासून आला आहे.किलोनोव्हा ही एक तारकीय खगोलीय घटना आहे, ज्यामध्ये न्यूट्रॉन तारे आणि ब्लॅक होल एकमेकांना भिडतात.

खरंच सोन्याची खाण आहे का?

या संशोधन पथकाचे नेतृत्व अमेरिकेतील नॉर्थवेस्टर्न युनिव्हर्सिटीचे जिलियन रास्टिनेजाड करत होते. त्यात बर्मिंगहॅम आणि लीसेस्टर विद्यापीठे तसेच नेदरलँडमधील रॅडबॉड विद्यापीठातील तज्ज्ञांचा समावेश होता. या संशोधकांनी सांगितले की, त्यांचा विश्वास आहे की स्फोटामुळे सोने आणि प्लॅटिनमसारखे घटक तयार झाले. बर्मिंगहॅम विद्यापीठातील सहयोगी प्राध्यापक डॉ. मॅट निकोल म्हणाले की, किलोनोव्हा हे 'विश्वातील सोन्याचे मुख्य कारखाने' आहेत या कल्पनेला हे संशोधन समर्थन देते.

8.5 अब्ज वर्षांपूर्वी तुटला तारा

अंतराळात फेब्रुवारीमध्ये शास्त्रज्ञांना तेजस्वी प्रकाश दिसला होता. हे एका तार्‍यापासून आले आहे जे सुपरमासिव्ह ब्लॅक होलच्या (black whole) अगदी जवळ आले आहे. ब्लॅक होलच्या गुरुत्वाकर्षण क्षेत्रापर्यंत पोहोचून तारेचे तुकडे झाले.ही दुर्मिळ घटना पृथ्वीपासून 8.5 अब्ज प्रकाशवर्षे दूर घडली. याचा अर्थ असा की हा तारा 8.5 अब्ज वर्षांपूर्वी तुटला होता, त्यामुळे उत्सर्जित होणारा प्रकाश आता पृथ्वीवर पोहोचला आहे.

दरम्यान लीसेस्टर विद्यापीठातील भौतिकशास्त्रज्ञ आणि शास्त्रज्ञांनी या स्फोटाला दुर्मिळ वैश्विक घटना म्हटले आहे. त्यांचे संशोधन भविष्यातील अशा घटनांवरील अभ्यासासाठी उपयुक्त ठरेल अशी आशा व्यक्त होत आहे.