आता घाबरायची गरज नाही... तुम्ही Google वर काय सर्च केलं हे गुगल स्वत: 15 मिनिटात विसरणार

मुंबई : कोणत्याही गोष्टीबद्दल आपल्याला माहिती हवी असेल, तर आपल्याला सगळ्यात पहिलं आठवतं ते म्हणजे Google. आपण आपल्या मित्रांना किंवा कोणत्याही व्यक्तीला पहिलं हेच सांगतो की, उत्तर पाहिजे असेल तर गुगल कर. गुगल आपल्या आयुष्यात एक महत्वाची भूमिका बजावतो. Google कंपनी देखील आपले युजर्स टिकवून ठेवण्यासाठी वेगवेगळ्या शक्कलं लढवल्या आणि वेगवेगळे फीचर्स बाजारात घेऊन आले आहेत.

Google ने गेल्यावर्षी मोबाइल ऍपसाठी नवीन वैशिष्ट्ये सुरू करण्यास सुरुवात केली आहे, ज्याची घोषणा कंपनीने 2021 I/O परिषदेदरम्यान केली होती. यापैकी एक वैशिष्ट्य म्हणजे Android वापरकर्त्यांना मोबाइल अॅपवरून त्यांचा शेवटचा 15 मिनिटांचा Google सर्च हिस्ट्री हटविण्याची अनुमती देतो.

हे वैशिष्ट्य जुलै 2021 मध्ये फक्त iOS वापरकर्त्यांसाठी जारी करण्यात आले. मात्र, तो आता अँड्रॉइड युजर्ससाठी लाँच करण्यात आला आहे.

जर तुम्हाला 15 मिनिटांपूर्वीचा तुमचा सर्व सर्च हिस्ट्री हटवायचा असेल, तर हे फीचर तुमच्यासाठी खूप उपयुक्त ठरेल. तसेच, तुम्ही काय सर्च केले आहे. हे इतर कोणीही पाहू शकणार नाही.

आता हे कसं करता येईल जाणून घ्या

1. सर्व प्रथम तुमच्या Android स्मार्टफोनवर Google अॅप उघडा. अॅपच्या वरती उजवीकडे प्रोफाइल पिक्चर आयकॉनवर क्लिक करा.

2. येथे तुम्हाला 'Delete Last 15 Minutes' चा पर्याय दिसेल. त्यावर क्लिक केल्यावर, तुमचा शेवटचा 15 मिनिटांचा Google सर्च इतिहास हटवला जाईल.

3. ज्या यूजर्सच्या अँड्रॉइड फोनमध्ये हे फीचर दिसत नाही, त्यांना त्यांचे गुगल अॅप अपडेट करावे लागेल. जर अपडेट केल्यानंतरही हे फीचर दिसत नसेल, तर याचा अर्थ तुम्हाला या फीचरची प्रतीक्षा करावी लागेल. कारण गुगल हळूहळू सर्व यूजर्सना हे अपडेट देत आहे.

4. गुगलने त्‍याच्‍या अँड्रॉईड युजर्सना याआधीही सर्च हिस्‍ट्री डिलीट करण्‍याचा पर्याय दिला होता. तथापि, वापरकर्त्यांना फक्त आजची सर्च हिस्ट्री किंवा सानुकूल श्रेणीची सर्च हिस्ट्री हटविण्याचा पर्याय मिळाला.

या युजर्ससाठी खूप महत्वाचं आहे हे फीचर

दरम्यान, अनेक यूजर्सनी गुगलकडे मागणी केली होती की, त्यांना संपूर्ण दिवसाची सर्च हिस्ट्री हटवायची नाही आणि गुगलने त्यांना फक्त शेवटच्या १५ मिनिटांचा सर्च हिस्ट्री डिलीट करण्याचा पर्याय द्यावा.

अशा परिस्थितीत, ज्या वापरकर्त्यांना त्यांच्या संपूर्ण दिवसाचा इतिहास न हटवून केवळ थोड्या काळासाठीचा इतिहास हटवायचा आहे, तर ते 15 मिनिटांचा इतिहास हटविण्याचा पर्याय निवडू शकतात.