हे वागणं बरं नव्हं! सामना गमावल्यानंतर सर्वांसमोरच कोचवर भडकला Shreyas Iyer

मुंबई : सोमवारी मुंबईच्या बेब्रॉन स्टेडियमवर कोलकाता नाईट रायडर्स विरूद्ध राजस्थान रॉयल्स यांच्यात सामना रंगला होता. या सामन्यात कोलकाताने हातातोंडाशी आलेला सामना गमावला. राजस्थानने कोलकात्याचा 7 रन्सने पराभव केला. दरम्यान या सामन्यात कर्णधार श्रेयस अय्यरचं संतापलेलं रूप प्रेक्षकांना पहायला मिळालं.

मुख्य म्हणजे इतर कोणावर नाही तर श्रेयस अय्यर कोच ब्रेडन मॅक्युलमवर संतापलेला दिसला. अय्यर आऊट होऊन ज्यावेळी पवेलियनमध्ये परतला त्यावेळी तो मॅक्युलमसोबत वैतागून बोलताना कॅमेरात कैद झाला. 

नेमकं कारण काय?

KKRचा डाव सुरु असताना ज्यावेळी कर्णधार श्रेयस अय्यर मैदानावर खेळत होता तेव्हा फलंदाजांच्या क्रमवारीत मोठे बदल दिसून आले. दरम्यान याच कारणामुळे श्रेयस अय्यर नाराज झाल्याचं म्हटलं जातंय. कमेंट्रेटर्सच्या म्हणण्याप्रमाणे, अय्यर आणि मॅक्युलम फलंदाजीसंदर्भात वाद होत होता. कारण फलंदाजीचा क्रम पूर्णपणे वेगळा दिसून आला होता. 

सोशल मीडियावर या घटनेचा व्हिडीयो व्हायरल झाला आहे. यामध्ये श्रेयस अय्यर निराश होऊन मॅक्युलमशी बोलताना दिसतोय. 

Shreyas Iyer gets angry Brendon McCullum pic.twitter.com/82GzLTdKzx

— Big Cric Fan (@cric_big_fan) April 18, 2022

कालचा सामना पहिल्यापासूनच राजस्थान रॉयल्सच्या पारड्यात दिसत होता. प्रथम फलंदाजी करताना राजस्थान रॉयल्सने कोलकाता नाईट रायडर्ससमोर 217 रन्सचं लक्ष्य दिलं होतं. पाठलाग करण्यासाठी उतरलेल्या श्रेयस अय्यरच्या टीमला चांगली सुरुवात करता आली नाही. यावेळी श्रेयस अय्यरने केकेआरसाठी 58 धावांची खेळी केली. मात्र त्याची ही खेळी निष्फळ ठरली.

pic.twitter.com/M9DFJR0LUq

— Addicric (@addicric) April 18, 2022