Shubman gill : शुभमनचं शतक हुकलं अन् साराचा चेहराच पडला; पण उभं राहून वाजवल्या टाळ्या, पाहा Video
IND vs SL, World Cup 2023 : टीम इंडियाचा स्टार सलामीवीर शुभमन गिल (Shubman gill) याचं शकत हुकल्यानंतर मैदानात उपस्थित असलेल्या सारा तेंडूलकरची (Sara Tendulkar) रिअॅक्शन कॅमेऱ्यात कैद झाली आहे.
)
Sara Tendulkar Reactions Video : वानखेडेच्या मैदानावर भारत आणि श्रीलंका यांच्यात सामना खेळवला जात आहे. या सामन्यात किंग विराट कोहली (Virat kohli) आणि प्रिन्स शुभमन गिल (Shubman gill) यांची शतकं हुकली. शतकाच्या जवळ जाऊन दोन्ही खेळाडू बाद झाल्याने चाहत्यांचा हिरमोड झालाय. युवा शुभमन गिलने आपल्या दिमाखदार कामगिरीने टीम इंडियाच्या धावसंख्येत मोठी वाढ केली. शुभमन गिलने मागून येऊन वादळी खेळी करत विराटचा प्रेशर कमी करण्याचा प्रयत्न केला. मात्र, दिलशान मदुशंका याने विकेट घेऊन टीम इंडियाला धक्का दिला. शुभमनच्या विकेटवेळी मैदानात उपस्थित असलेल्या सारा तेंडूलकरचा (Sara Tendulkar) चेहरा देखील पडला होता. त्याचा व्हिडीओ सध्या सोशल मीडियावर व्हायरल होतोय.
पुण्यात झालेल्या सामन्यात सारा तेंडूलकरने हजेरी लावली होती. त्यानंतर आता होम ग्राऊंडमध्ये देखील सारा उपस्थित असल्याचं पहायला मिळालं. शुभमन गिल त्याच्या नात्यामुळे चर्चेत असतो. अनेकदा शुभमन गिलचे नाव सारा तेंडुलकरसोबत जोडलं जातं. दोघंही एकमेकांना डेट करत असल्याची चर्चा होत असते. अशातच आता साराच्या मैदानातील उपस्थितीमुळे अनेकांननी भूवया उंचावल्या आहेत. शुभमन बाद झाल्यानंतर साराला देखील धक्का बसला. साराचा चेहरा उतरला. मात्र, त्याच्या 92 धावांच्या खेळीचं साराने टाळ्या वाजवून स्वागत केलं. त्याचा व्हिडीओ (Sara Tendulkar Reactions Video) सध्या समोर आलाय.
पाहा Video
Sara Tendulkar reactions after Shubman Gill missed a century #INDvSLpic.twitter.com/dttEoMWv8o
— ͏ ͏ ͏ ͏ (@aqqu___) November 2, 2023
रोहित शर्मा बाद झाल्यानंतर शुभमन गिल आणि विराट कोहली सुरुवातीला थोडे चाचपडत खेळत होते. त्याचवेळी लंकेच्या फिल्डर्सने जीवदान दिले. गिल आणि विराट कोहली यांचे सोपे झेल लंकेच्या फिल्डर्सनी सोडले. त्यानंतर शुभमन गिलने 92 चेंडूत 92 धावा केल्या. या खेळीत त्याने 11 फोर आणि 2 सिक्स खेचले. विराट कोहलीसह शुभमन गिलने दुसऱ्या विकेटसाठी 189 धावांची भागीदारी केली.
भारत (प्लेइंग इलेव्हन): रोहित शर्मा (C), शुभमन गिल, विराट कोहली, श्रेयस अय्यर, केएल राहुल (W), सूर्यकुमार यादव, रवींद्र जडेजा, मोहम्मद शमी, जसप्रीत बुमराह, कुलदीप यादव, मोहम्मद सिराज.
श्रीलंका (प्लेइंग इलेव्हन): पाथुम निसांका, दिमुथ करुणारत्ने, कुसल मेंडिस (W/C), सदीरा समरविक्रमा, चारिथ असलंका, अँजेलो मॅथ्यूज, दुशान हेमंथा, महेश थेक्षाना, कसून रजिथा, दुष्मंथा चमीरा, दिलशान मदुशंका.