T20 WC जिंकल्यावर रोहित शर्माचं राहुल द्रविड यांना पत्र, म्हणाला 'माझी पत्नी नेहमी मला...'
Rohit Sharma On Rahul Dravid : टी-ट्वेंटी वर्ल्ड कप जिंकून टीम इंडियाने इतिहास रचला. अशातच आता रोहित शर्माने राहुल द्रविडसाठी खास पोस्ट केलीये.
)
Rohit Sharma emotional post for Rahul Dravid : टी-ट्वेंटी वर्ल्ड कप विजयानंतर रोहित शर्मा याने सोशल मीडियावर पोस्ट करत हेड कोच राहुल द्रविड यांच्याविषयीच्या आदर व्यक्त केलाय. प्रिय राहुल भाऊ, यावर माझ्या भावना योग्य प्रकारे व्यक्त करण्यासाठी मी योग्य शब्द शोधण्याचा प्रयत्न करत आहे पण मला खात्री नाही की मी करू शकेल, पण मी प्रयत्न करतोय, असं म्हणतक रोहित शर्माने राहुल द्रविडविषयी आपल्या भावना व्यक्त केल्या आहेत.
पत्रात काय म्हणाला रोहित शर्मा?
माझ्या लहानपणापासून मी इतर कोट्यवधी लोकांप्रमाणेच तुमच्याकडे पाहिलं आहे पण मी तुमच्यासोबत जवळून काम केल्याने मी स्वत:ला भाग्यवान समजतो. तुम्ही या खेळाचे अतुलनीय दिग्गज आहात परंतु तुम्ही तुमची सर्व प्रशंसा आणि कृत्ये दारात सोडून आमच्या प्रशिक्षक म्हणून आत आलात. अशा स्तरावर आला आहात जिथे आम्हाला तुमच्याबद्दल काहीही बोलण्यास पुरेसे आरामदायक वाटलं होतं. तुमची देणगी, तुमची नम्रता आणि एवढ्या वेळानंतरही या खेळावरील तुमचं प्रेम कायम आहे. मी तुमच्याकडून खूप काही शिकलो आहे आणि प्रत्येक आठवण जपली जाईल, असं रोहित शर्मा म्हणाला आहे
माझी पत्नी तुला माझी 'कामाची पत्नी' म्हणून संबोधते आणि मी भाग्यवान आहे की मी तुला कॉल करू शकलो, असं रोहित शर्माने म्हटलं आहे. तुमच्या शस्त्रागारातून ही एकमेव गोष्ट गहाळ होती आणि मला खूप आनंद झाला की आम्ही ते एकत्र मिळवू शकलो. राहुल भाऊ, तुम्हाला माझा विश्वासू, माझा प्रशिक्षक आणि माझा मित्र म्हणायला मिळणे हा एक विशेष विशेषाधिकार आहे, असं रोहित शर्माने म्हटलं आहे.
दरम्यान, राहुल द्रविड यांचा कार्यकाळ समाप्त झाल्याने आता टीम इंडियाच्या नव्या हेड कोचची निवड सुरू आहे. टी-ट्वेंटी वर्ल्ड कपच्या शेवटच्या दिवशी राहुल द्रविड यांनी रामराम ठोकला अन् क्रिकेटच्या नव्या युगाचा श्रीगणेशा केलाय. राहुल द्रविड यांच्यासह रोहित शर्मा, विराट कोहली आणि रविंद्र जडेजा यांच्यासाठी देखील हा अखेरचा सामना होता.