चेन्नईला मोठा धक्का, हा खेळाडू स्पर्धेबाहेर

चेन्नई : धोनीच्या चेन्नईला पहिल्या टी-20नंतरच मोठा धक्का बसला आहे. केदार जाधव हा मांडीच्या स्नायूंना झालेल्या दुखापतीमुळे संपूर्ण स्पर्धा खेळू शकणार नाही. मुंबई विरुद्धच्या मॅचमध्येच केदार जाधव दुखापतग्रस्त झाला होता.

चेन्नईनं मुंबईला हरवलं

पहिल्याच मॅचमध्ये चेन्नईनं मुंबईवर रोमहर्षक विजय मिळवला. शेवटच्या बॉलवर एक विकेट राखून चेन्नईनं मुंबईला पराभूत केलं. चेन्नईच्या या विजयाचे शिल्पकार ठरले ते ड्वॅन ब्राव्हो आणि केदार जाधव. ब्राव्होनं ३० बॉल्समध्ये ६८ रन्सची खेळी केली तर केदार जाधवनं २२ बॉल्समध्ये २४ रन्स केले.

दुखापतग्रस्त जाधवची शानदार खेळी

या मॅचमध्ये केदार जाधवच्या मांडीला दुखापत झाली. यानंतर जाधवला मैदान सोडून जावं लागलं. अखेर ९ विकेट पडल्यानंतर जाधव पुन्हा बॅटिंगला आला.

शेवटच्या ओव्हरमध्ये चेन्नईला विजयासाठी ७ रन्सची आवश्यकता होती. पण केदार जाधवला दुखापत झाल्यामुळे तो धावून एकही रन काढू शकत नव्हता. मुस्तफिजूर रहमानच्या शेवटच्या ओव्हरच्या पहिल्या तिन्ही बॉलला केदार जाधवला एकही रन काढता आली नाही. पण ओव्हरच्या चौथ्या बॉलला जाधवनं सिक्स आणि पाचव्या बॉलला फोर मारून चेन्नईला जिंकवून दिलं.

एक चूक मुंबईला पडली महाग

बॅटिंगला आलेला असतानाच्या पहिल्याच बॉलला केदार जाधव आऊट होता. मयांक मार्कंडेयच्या बॉलिंगवर केदार जाधवच्या पायाला बॉल लागला. मुंबईच्या टीमनं याबाबत अपीलही केलं, पण अंपायरनं त्याला आऊट दिलं नाही. रिप्ले बघितल्यावर केदार जाधव आऊट असल्याचं लक्षात आलं. यावेळी मुंबई इंडियन्सनं डीआरएस घेतला असता तर मॅचच चित्रच पलटून गेलं असतं. यावेळी चेन्नईचा स्कोअर ६.४ ओव्हरमध्ये ४३/३ असा होता.