मुंबईच्या सलग पराभवामुळे रोहितचं कर्णधारपद धोक्यात, कर्णधारपदासाठी ही ३ नावे चर्चेत

Mumbai Indians : आयपीएल 2022 मध्ये, रोहित शर्माच्या नेतृत्वाखाली मुंबई इंडियन्सची स्थिती खूपच वाईट दिसत आहे. रोहितच्या नेतृत्वाखाली 5 वेळा आयपीएल ट्रॉफी जिंकणारा संघ आता या मोसमातील पहिला सामनाही जिंकण्यासाठी आसुसलेला आहे. मुंबई प्लेऑफमधून बाहेर पडण्याचे हे सलग दुसरे सत्र असेल. अशा परिस्थितीत रोहितच्या कर्णधारपदावर सातत्याने प्रश्न उपस्थित होत आहेत. भविष्यात रोहितने कर्णधारपद सोडले तरी मुंबईकडे हे पद सांभाळण्यासाठी तीन महान खेळाडू आहेत.

1. किरॉन पोलार्ड

रोहित शर्माच्या जागी किरॉन पोलार्डलाही मुंबई इंडियन्सचा नवा कर्णधार बनवले जाऊ शकते. पोलार्डला आयपीएल तसेच आंतरराष्ट्रीय क्रिकेटमध्ये कर्णधारपदाचा भरपूर अनुभव आहे. त्याने गेली अनेक वर्षे वेस्ट इंडिज संघाचे कर्णधारपदही भूषवले आहे. रोहित शर्मापूर्वीही पोलार्ड मुंबईच्या संघाचा भाग होता. तो एक उत्तम खेळाडू तसेच उत्तम कर्णधारही होऊ शकतो.

2. जसप्रीत बुमराह

वेगवान गोलंदाज जसप्रीत बुमराहमध्येही मुंबई इंडियन्सचा नवा कर्णधार होण्याची क्षमता आहे. बुमराह हा आतापर्यंतच्या सर्वोत्तम वेगवान गोलंदाजांपैकी एक आहे. बुमराहने मुंबईसाठी अनेक सामने स्वबळावर जिंकले आहेत. याशिवाय त्याला टीम इंडियाचा उपकर्णधार होण्याचाही अनुभव आहे. बुमराह अनेक वर्षे मुंबईसाठी खेळू शकतो, त्यामुळे तो या संघाचा कर्णधारही होऊ शकतो.

3. सूर्यकुमार यादव

मुंबई इंडियन्सचा नवा कर्णधार होण्यासाठी सूर्यकुमार यादव हाही पर्याय असू शकतो. सूर्याने मुंबईसाठी अनेक सामने स्वबळावर जिंकले असून मेगा लिलावापूर्वी त्याला या संघाने कायम ठेवले होते. सूर्यकुमार हा महान फलंदाज असून गरज पडल्यास तो संघाची कमानही सांभाळू शकतो.