Hardik Pandya: स्ट्रेचरवर गेला पण इतिहास घडवून परतला, 4 वर्षापूर्वीचा फोटो होतोय व्हायरल

मुंबई : आशिया चषक 2022 (Asia Cup 2022) च्या पहिल्या सामन्यात हार्दिक पंड्याने (Hardik Pandya) आपल्या दमदार अष्टपैलू कामगिरीने पाकिस्तानचा (Ind vs Pak) पराभव केला. आधी गोलंदाजी आणि नंतर मॅच विनिंग बॅटींगच्या जोरावर हार्दिक पांड्याने चांगली कामगिरी केली. भारताने स्पर्धेतील पहिल्या सामन्यात पाकिस्तानचा 5 विकेटने पराभव केला. हा तोच हार्दिक पांड्या आहे जो 24 ऑक्टोबर 2021 रोजी टी-20 विश्वचषकात (T20 world Cup) पाकिस्तानविरुद्ध भारताच्या पराभवाचा मुख्य खलनायक ठरला होता. हा तोच हार्दिक पंड्या आहे ज्याला 2018 च्या आशिया कपमध्ये त्याच मैदानावर (दुबईत) स्ट्रेचरवर परतावे लागले होते. पण आता चार वर्षांनंतरही तोच हार्दिक पांड्या आहे मात्र त्याची आता वाह वाह होत आहे.

28 ऑगस्ट 2022 रोजी हार्दिक पांड्याने दुबईत (Dubai) जी कामगिरी केली ती संपूर्ण जगाने पाहिली. त्याच्या मॅच-विनिंग कामगिरीनंतर त्याचे दोन फोटो सोशल मीडियावर प्रचंड व्हायरल झाले. त्यापैकी एक त्याचा 2018 आशिया कपचा आहे. ज्यात दुखापतीनंतर तो उभा देखील राहू शकला नाही. दुसरा फोटो 2022 च्या आशिया चषकाचा आहे. जिथे त्याने पाकिस्तानविरुद्धच्या रोमहर्षक सामन्यात शेवटच्या षटकात चौथ्या चेंडूवर षटकार मारून भारताला विजय मिळवून दिला.

The comeback is greater than the setback pic.twitter.com/KlnD4GZ4ZO

TRENDING NOW

news

— hardik pandya (@hardikpandya7) August 29, 2022

2018 च्या आशिया चषकात पाकिस्तानविरुद्धच्या या दुखापतीनंतर हार्दिक पांड्याच्या करिअरचा आलेख घसरायला लागला. या सर्व मोठ्या स्पर्धांमध्ये हार्दिकचा फॉर्म 2019 विश्वचषक, त्यानंतर 2020, 21 IPL नंतर 2021 T20 विश्वचषक स्पर्धेत टीम इंडिया आणि त्याच्या फ्रँचायझी संघासाठी चिंतेचा विषय राहिला. त्यानंतर 2022 सालाने हार्दिकच्या नशिबात मोठा बदल घडवून आणला. नवीन आयपीएल फ्रँचायझी गुजरात टायटन्सने त्याला त्यांच्या संघाचा कर्णधार बनवले. इथून जगाला नवा हार्दिक पांड्या पाहायला मिळाला.

हार्दिक पांड्या केवळ फलंदाजी किंवा गोलंदाजीच नाही तर कर्णधारही होता. त्याने संपूर्ण हंगामात बॉल आणि बॅटने तसेच कर्णधारपदाने चमत्कार केला. परिणामी, पहिल्याच सत्रात त्याने आपल्या संघ गुजरात टायटन्सला आयपीएलचे विजेतेपद मिळवून दिले. येथे त्यांच्या नावावर नवीन कामगिरी नोंदवली गेली. यानंतर तो टीम इंडियातही परतला आणि पहिल्यांदाच आयर्लंड दौऱ्यावर तो भारतीय क्रिकेट संघाचे नेतृत्व करताना दिसला.

हार्दिक पांड्याने पाकिस्तानविरुद्धच्या मॅचविनिंग कामगिरीनंतर सोशल मीडियावर त्याचे खूप कौतुक केले. 2018 च्या त्या प्रदीर्घ दुखापतीनंतर तो ज्या प्रकारे परतला, त्यावरून त्यांची प्रशंसा होत आहे. हार्दिकनेही स्वतःचे दोन वेगवेगळे फोटो ट्विट करून शेअर केले आहेत. या एका चित्रात तो स्ट्रेचरवर होता तर दुसऱ्या चित्रात तो पाकिस्तानविरुद्धच्या विजयानंतर बॅट उचलताना दिसत होता. त्याने याच्या कॅप्शनमध्ये लिहिले की, 'कमबॅक हा नेहमीच धक्क्यापेक्षा मोठा असतो.'