आमीरच्या PKचा पहिला ट्रेलर रिलीज

मुंबई : आमीर खान आणि अनुष्का शर्मा यांचा बहूप्रतिक्षीत चित्रपट 'पीके' चा टीजर रिलीज झाला आहे.  टीजरमधून इतके माहीत झाले आहे की हा चित्रपट आमीरच्या इतर चित्रपटांपेक्षा खूप वेगळा आहे आणि हसविणारा आहे. 

आमीर खान जी भूमिका वठवतोय त्या ‘पीके’च्या तोंडात नेहमी पानाचा तोबरा असतो. त्यामुळे त्याचे तोंड नेहमी लाल असते. डोळे हेडलाइटसारखे मोठाले आहेत. तो ब्रीजवरील भिकाऱ्याचे पैसे उचलून घेतो. कारमध्ये इंटीमेट होणाऱ्या जोडप्याचे कपडे चोरून घालतो.  ‘पीके’ नेहमी रंगबेरंगी आणि विचित्र कपडे घालतो. 

आमीरच्या भूमिकेचा परिचय करून देताना अनुष्का त्याला नमुना म्हणते आणि शेवटी म्हणते की, एक थेंबही प्यायला नाही, पण त्याचे नाव पीके.... टीजरच्या शेवटी आमीर विना कपड्यांचा हातात ट्रांझिस्टर घेऊन दिसला आहे. 

१९ डिसेंबरला रिलीज होणारा हा चित्रपट मुन्नाभाई सिरीज आणि थ्री इडियट्सचे डायरेक्टर राजकुमार हिरानी यांनी बनवला आहे. या सुशांत सिंह राजपूत, बोमन इरानी, सौरभ शुक्ला आणि संजय दत्त यांचीही भूमिका आहे. 

* इतर ताज्या बातम्या सदैव पाहण्यासाठी झी २४ तासला फेसबुकवर जॉइंन करा.

* झी २४ तासला ट्विटरवर फोलो करा.