बांगलादेशातील मंदिरामध्ये स्फोट, १० जखमी

ढाका : बांगलादेशात झालेल्या साखळी स्फोटात दहा जण जखमी झालेत. दीनाजपुर येथील कांताजी मंदिर परिसरात हे स्फोट झाले. 

बांगलादेशची राजधानी ढाका येथून ४१५ किमी अंतरावरील दीनापुर जिल्ह्यात ही घटना घडली. कांताजी मंदिरात जत्रा असल्याने मंदिर परिसरात मोठी गर्दी होती. यावेळी हे स्फोट घडवण्यात आले. यामध्ये १० जण जखमी झालेत. य़ा सर्व जखमींना उपचारासाठी जवळच्या रुग्णालयात दाखल करण्यात आलेय. 

स्फोटानंतर तीन जणांना पोलिसांनी ताब्यात घेतले असून त्यांची चौकशी सुरु आहे. देशी बॉम्बच्या सहाय्याने हे स्फोट घडवण्यात आले. याच हिंदू मंदिरांना लक्ष्य बनवण्यात आले. 

दरम्यान, स्फोट घडवणाऱ्या आरोपींना पकडण्यासाठी शोध मोहीम सुरु कऱण्यात आल्याची माहिती दिनजापुरचे पोलीस अधीक्षक रहुल अमीन यांनी यावेळी दिली. 

* इतर ताज्या बातम्या सदैव पाहण्यासाठी झी २४ तासला फेसबुकवर जॉइंन करा.

* झी २४ तासला ट्विटरवर फोलो करा.