Mumbai: मोमोज विकणाऱ्या दोन गटात जोरदार हाणामारी, पवईचा VIDEO व्हायरल
दोन गटात झालेल्या हाणामारीचा हा व्हिडिओ सोशल मीडियावर व्हायरल झाला आहे
)
मुंबई : मुंबईतील पवई परिसरात दोन गटात जोरदार हाणामारी झाली. मोमोज विकणाऱ्या दोन गटांमध्ये वादाला सुरुवात झाली आणि वादाचं रुपांतर हाणामारीत झालं. या प्रकरणी स्थानिक पोलिसांनी 4 जणांना ताब्यात घेतलं आहे.
काल रात्रीची घटना
काल रात्री अकराच्या सुमारास पवईतील शंकराचार्य मार्ग परिसरात हा प्रकार उघडकीस आला. हल्ल्याची माहिती मिळताच पोलीस घटनास्थळी पोहोचले आणि त्यांनी हाणामारी करणाऱ्या लोकांना ताब्यात घेतलं.
मुंबई: पवई इलाके में मोमोज बेचने वाले दो गुटों के बीच आपसी विवाद में मारपीट.. #Mumbai #ViralVideo
अन्य Videos यहां देखें - https://t.co/ZoADfwSi4S pic.twitter.com/Fb5k80dQKD
— Zee News (@ZeeNews) April 12, 2022
परिसरातील नागरिक त्रस्त
याप्रकरणी पोलिसांनी शांतता भंग केल्याच्या आरोपावरून कारवाई केली आहे. या हाणामारीमुळे परिसरात राहणारे आणि तिथून येणाऱ्या जाणाऱ्या लोकांना मात्र नाहक त्रासाला सामोरं जावं लागलं. गोंधळ घालणाऱ्यांवर तात्काळ कारवाई केली जाईल असं पोलिसांचं म्हणणं आहे.