पुन्हा रुळावर! आजपासून सरसकट सर्व महिलांना लोकल प्रवासाची मुभा
लोकल प्रवासाचा मार्ग आता मोकळा
)
मुंबई : कोरोना व्हायरसच्या coronavirus पार्श्वभूमीवर लागू करण्यात आलेल्या Lockdown लॉकडाऊनच्या काळानंतर आता अनलॉकच्या टप्प्याअंतर्गत मुंबईत अखेर सर्व महिलांना सरसकट लोकल प्रवासाची मुभा देण्यात आली आहे. काही दिवसांपूर्वीच नवरात्रोत्सवाचं औचित्य साधच सर्व महिलांसाठी लोकल सुरु करण्यासाठी महाविकास आघाडी सरकारने पुढाकार घेतला होता. पण, यामध्ये काही अडचणी आल्या होत्या. अखेर या अडचणी दूर झाल्या असून, महिलांसाठी Mumbai Local Trains लोकल प्रवासाचा मार्ग आता मोकळा झाला आहे.
परिणामी सर्व महिला पुन्हा एकदा लोकलनं प्रवास करण्यासाठी निघू शकणार आहेत. खुद्द रेल्वेमंत्री पीयुष गोयल यांनीच याबाबतची घोषणा केली. उद्यापासून सर्व महिला प्रवाशांना सकाळी ११ ते दुपारी ३ वाजण्यादरम्यान आणि सायंकाळी सात नंतर मुंबई उपनगरीय रेल्वेमधून प्रवास करण्याची परवानगी देण्यात येत आहे, असं रेल्वेमंत्र्यांनी जाहीर केलं.
I am happy to announce that Railways will allow women to travel on suburban trains from 21 Oct between 11 am to 3 pm & after 7 pm. We were always ready and with receipt of letter from Maharashtra Govt today, we've allowed this travel: Railway Minister Piyush Goyal (File photo) pic.twitter.com/kl6liQFqdG
— ANI (@ANI) October 20, 2020
यापूर्वी फक्त सरकारी सेवेत कार्यरत असणाऱ्या महिला कर्मचाऱ्यांना लोकल प्रवासाची सुविधा उपलब्ध करुन देण्यात आली होती. कोरोना व्हायरचा वाता प्रादुर्भाव पाहता वाढत्या संसर्गाला आळा घालण्यासाठीच हे निर्बंध घालण्यात आले होते. पण, सहा महिन्यांहून अधिक काळ लोटल्यानंतर मात्र सर्वच स्तरांतून लोकल सेवा पुन्हा एकदा सुरु करण्याच्या मागणीनं जोर धरला.
दरम्यान, महाविकास आघाडी सरकारकडून रेल्वेला पत्र पाठविण्यात आलं होतं. ज्यानंतर महाराष्ट्र शासनाच्या पत्रानुसार आम्ही त्वरित परवानगी देत आहोत, असं सांगत महिलांच्या लोकल प्रवासाला हिरवा कंदिल देण्यात आला. आता यामागोमाग सर्वच प्रवाशांसाठी मुंबई लोकल सेवा सुरु करण्याबाबतच्या बैठक आणि निर्णयाकडेच सर्वांचं लक्ष लागलेलं आहे.