'लालपरी'च्या इतिहासाचा साक्षीदार काळाच्या पडद्याआड, ST चे पहिले कंडक्टर लक्ष्मण केवटेंचे निधन

First ST Conductor Laxman Kevate Death: 1 जून 1948 रोजी महाराष्ट्र राज्य परिवहन मंडळाची (MSRTC) पहिली एसटी बस अहमदनगरच्या माळीवाडा भागातून पुणे मार्गावर धावली. या एसटीचे पहिले चालक किसन राऊत (Driver Kisan Raut) आणि पहिले वाहक लक्ष्मण केवटे (conductor laxman kevate) होते. दोघेही अहमदनगर जिल्ह्यातील होते. मात्र लालपरीच्या इतिहासातील साक्षीदार म्हणजेच एसटीचे पहिले वाहक असलेले लक्ष्मण केवटे यांचे वृद्धापकाळाने निधन झाले. ते 99 वर्षांचे होते. बुधवारी (17 मे 2023) रात्री 8.45 च्या सुमारास त्यांनी अखेरचा श्वास घेतला. लक्ष्मण केवटे यांच्या निधनामुळे सर्व स्तरातून हळहळ व्यक्त होत आहे. लक्ष्मण केवटे यांना मुख्यमंत्री एकनाथ शिंदे यांनी ट्विटरवरून श्रद्धांजली वाहिली. तर एसटी महामंडळाकडूनही श्रद्धांजली वाहण्यात आली. 

अशी पहिली बस सुरु झाली...

सार्वजनिक स्थलांतरित वाहतूक 1932 च्या आसपास या व्यावसायिक मार्गाने सुरू झाली. आठ-दहा वर्षे की वाहतूक सुरळीत करण्याची गरज भासू लागली. बॉम्बे स्टेट रोड ट्रान्सपोर्ट कॉर्पोरेशन (BSC) या नावाने एक सरकारी कंपनी स्वतंत्र भारतातील मुंबई प्रांतात 1948 मध्ये वाहतुकीसाठी स्थापन करण्यात आली. सार्वजनिक वाहतुकीची कंपनीची मक्तेदारी पूर्ववत झाली. त्यानंतर 'एमएसआरटीसी' आणि त्यावेळच्या बीएसआरटीसीची पहिली एसटी 1 जून 1948 रोजी पुण्याहून अहमदनगर या मार्गावर धावली.लक्ष्मण केवटे यांनी पहिले वाहक म्हणून काम केले.

वाचा : सोने-चांदी खरेदीदारांसाठी खुशखबर! आज 1 तोळ्यासाठी किती रुपये मोजावे लागणार?

पहिला पगार 80 रुपये...

नगर ते पुणे या बसचे पहिले वाहक लक्ष्मण केवटे होते. लक्ष्मण केवटे यांना सुरुवातीला महामंडळातून प्रत्येक वेळी 80 रुपये पगार मिळत होता. पुढे त्यांना दीडशे रुपयांपर्यंत पगार मिळू लागला. नगर ते पुणे या अंतरासाठी पहिल्या बसचे भाडे अडीच रुपये होते. साधारणपणे नगर आणि पुणे हे अंतर सव्वाशे किलोमीटर होते. बसस्थानकातून बाहेर पडल्यानंतर रस्त्याच्या दुतर्फा लोक उभे असायचे.  

मुख्यमंत्र्यांकडून श्रद्धांजली

महाराष्ट्र राज्य परिवहन महामंडळाचे पहिले एसटी वाहक लक्ष्मण शंकर केवटे यांच्या निधनाची बातमी अत्यंत दु:खद देणारी आहे. 1948 मध्ये महाराष्ट्रात सुरू झालेल्या एसटीचे पहिले वाहक म्हणून काम करणारे लक्ष्मण केवटे यांनी एसटी महामंडळाच्या सेवेत भरीव काम केले आहे. त्यांची अलौकिक सेवा सर्व एसटी कर्मचाऱ्यांसाठी निश्चितच प्रेरणादायी आहे. महाराष्ट्रात प्रवासी वाहतुकीसाठी महत्त्वाची असणाऱ्या एसटी सेवेने असंख्य प्रवाशांना आपलेसे केले. या एसटीच्या प्रवासाची सुरुवा करणाऱ्या लक्ष्मण केवट यांचा जीवन प्रवास जरी थांबला असला तरी एसटीच्या इतिहासात त्यांच्या कार्याची दखल कायमस्वरूपी घेतली जाईल, असे मुख्यमंत्री एकनाथ शिंदे (Eknath Shinde) यांनी म्हटले आहे. 

एसटी महामंडळाचे उपाध्यक्ष व प्रशासकीय संचालक शेखर चन्ने (Shekhar Channe) आणि एसटीचे पहिले फेरी वाहक लक्ष्मण केवटे यांचे दुःखद निधन झाले, असे म्हटले आहे.   एसटीच्या जन्माची कहाणी ज्यांच्या तोंडून आपण ऐकली.... ती शक्ती आज अनंतात विलीन झाली. त्यांच्या शुभेच्छा आणि आशीर्वाद हीच आमची प्रेरणा आहे, त्यांना एसटीच्या वतीने भावपूर्ण श्रद्धांजली वाहतो असे शेखर चन्ने यांनी सांगितले.