9 Nov 2024, 11:01 वाजता
भाजपाला भान नाही; शरद पवारांचा टोला
धर्मा-धर्मात जाती-जातीमध्ये कुणी तेढ निर्माण करू नये पण भाजप आणि त्यांच्या मित्रपक्षांना याचे भान नाही - शरद पवार
9 Nov 2024, 09:52 वाजता
मुंबई जिंकण्यासाठी भाजपचा विजयी शंखनाद; मोदी-शाहांनी कंबर कसली
केंद्रीय गृहमंत्री अमित शाहांच्या उपस्थितीत भाजपची मुंबईत मोठी सभा होणार आहे. 12 नोव्हेंबर रोजी शाहांच्या मुंबईत 2 जाहीर सभा होणार आहे. बोरिवलीच्या सप्ताह मैदान आणि घाटकोपरच्या जनरल अरुणकुमार वैद्य उद्यानात भाजपकडून विजयी शंखनाद सभांचे आयोजन केलं जाणार आहे. घाटकोपरला सायंकाळी पाच वाजता तर बोरिवलीत संध्याकाळी साडेसहा वाजता सभेचे आयोजन केलं जाणार आहे. मुंबईतील सर्वाधिक जागा जिंकण्यासाठी भाजपकडून तयारी सुरु आहे. अमित शाहांच्या पाठोपाठ पंतप्रधान नरेंद्र मोदीही 14 तारखेला मुंबईत सभा घेणार आहेत.
9 Nov 2024, 08:56 वाजता
उद्या अमित शाह मुंबईमध्ये; भाजपासंदर्भात मोठ्या घोषणेची शक्यता
केंद्रीय गृहमंत्री अमित शाह उद्या मुंबईत पत्रकार परिषद घेणार आहेत. या पत्रकार परिषदेत भाजपचा विधानसभेचा जाहीरनामा शहांच्या हस्ते प्रकाशित होण्याची शक्यता व्यक्त केली जात आहे.
9 Nov 2024, 08:37 वाजता
ठाकरेंच्या शिवसेनेतून आणखी एका नेत्याची हकालपट्टी; माजी खासदाराला पक्षामधून काढलं
शिवसेनेचे हिंगोलीचे माजी खासदार सुभाष वानखेडे यांची पक्षविरोधी कारवायांमध्ये सहभाग असल्याने त्यांची पक्षातून हकालपट्टी केली जात आहे, असं उद्धव ठाकरेंच्या शिवसेनेनं जाहीर केली आहे.
9 Nov 2024, 08:04 वाजता
पालघर: कारमधून 3 कोटी 70 लाखांची कॅश जप्त
पालघरच्या वाडा येथे 3 कोटी 70 लाखांची कॅश जप्त केली आहे. वाडा येथून विक्रमगडकडे जाणारे संशयित वाहन ताब्यात घेऊन चौकशी केली असता या वाहनात कोट्यावधींची कॅश असल्याची उघड झालं. नवी मुंबईतील ऐरोली येथून कॅश घेऊन जाणारं वाहन वाडा, जव्हार, मोखाडा येथे जात असल्याची पोलिसांची माहिती आहे.
9 Nov 2024, 08:01 वाजता
मोदी आल्यावरच महाराष्ट्रातील लोकांना 'अनसेफ' वाटतं; राऊतांचा टोला
'एक है तो सेफ है' म्हणणारे मोदी महाराष्ट्रात आल्यानेच लोकांना अनसेफ वाटू लागतं. महाराष्ट्रातील लोकांनी बटेंगे तो कटेंगे फेकून दिल्याने पंतप्रधानांना ही भाषा वापरावी लागत आहे. तुम्ही महाराष्ट्रात आला तर लोकांना भडकवणार. दंगलींसाठी प्रोत्साहन देणार. जोपर्यंत तुम्ही इथे येणार तोपर्यंत इथे अनसेफ आहे. म्हणून तुम्हाला आम्ही बाहेर फेकणार आहे, असं संजय राऊत यांनी म्हटलं आहे.
9 Nov 2024, 08:00 वाजता
राज ठाकरेंच्या आज 2 सभा
मनसे अध्यक्ष राज ठाकरे यांची उमरखेड विधानसभा चे उमेदवार राजेंद्र नजरधने यांच्या प्रचारार्थ जाहीर सभा. वेळ सकाळी 11 वाजता होणार आहे. त्यानंतर कसबा पेठ विधानसभेतील उमेदवार गणेश भोकरे आणि कोथरूड विधानसभेचे उमेदवार किशोर शिंदे यांच्यासाठी सभा होतील.
9 Nov 2024, 07:58 वाजता
वंचित बहुजन आघाडीचा जाहीरनामा सायंकाळी 4.00 वाजता जाहीर होणार आहे.
9 Nov 2024, 07:55 वाजता
थंडीविना केवळ 19 टक्के क्षेत्रावरच रब्बीच्या पेरण्या
रब्बीतील पेरण्यांसाठी एक महिना उलटून गेला तरी राज्यात आतापर्यंत केवळ 19 टक्के क्षेत्रावर म्हणजे 11 लाख 34 हजार हेक्टरवरच पेरण्या झाल्या. सर्वाधिक सुमारे 4 लाख 91 हजार हेक्टरवर पेरण्या पुणे विभागात झाल्या आहेत. एकूण पेरण्यांत 34 टक्के क्षेत्रावर रब्बी ज्वारी, 17 टक्के हरभरा व केवळ 4 टक्के सरासरी क्षेत्रावर गव्हाची पेरणी झाली आहे.
9 Nov 2024, 07:53 वाजता
मोदींच्या आज महाराष्ट्रात दोन सभा
देशाचे पंतप्रधान नरेंद्र मोदी यांची अकोल्यात सभा आयोजित करण्यात आली आहे. सकाळी 10.30 ते 12 वाजताच्या दरम्यान ही सभा होणार आहे. त्यानंतर मोदींची नांदेडमध्ये जाहीर सभा होणार असून येथील लोकसभेच्या पोटनिवडणुकीचे उमेदवार संतुक हंबर्डे आणि नांदेड जिल्ह्यातील महायुतीच्या 9 उमेदवारांच्या प्रचारासाठी सभा होत आहे.
