9 Nov 2024, 07:51 वाजता
मुख्यमंत्र्यांनी घेतली प्रकाश आंबेडकरांची भेट
मुख्यमंत्री एकनाथ शिंदे हे पुण्यातील शिवाजी नगर येथे प्रचाराला आले असता त्यांनी वंचित बहुजन आघाडीचे अध्यक्ष प्रकाश आंबेडकर यांची त्यांनी भेट घेतली व प्रकृतीची विचारपूस केली. आंबेडकर यांच्यावर काही दिवसांपूर्वी एन्जोप्लास्टी झाली होती. त्या पार्श्वभूमीवर अनेक नेते त्यांची भेट घेत आहेत.
9 Nov 2024, 07:42 वाजता
उत्तर महाराष्ट्रात पुढील पाच दिवस थंडीचे
उत्तरेकडून येणाऱ्या थंड वाऱ्यामुळे उत्तर महाराष्ट्रात किमान तापमान 15 अंश सेल्सिअसपर्यंत खाली आले आहे. शुक्रवारी (8 नोव्हेंबर) नाशिकमध्ये राज्यात सर्वांत कमी १४.६ अंश सेल्सिअसची नोंद झाली आहे. उत्तर महाराष्ट्रात पुढील पाच दिवस थंडी कायम राहण्याचा अंदाज आहे.
9 Nov 2024, 07:36 वाजता
पेणमध्ये ठाकरेंच्या शिवसेनेला मोठा धक्का; अनंत गितेंचं नाव घेत 'या' नेत्याने सोडला पक्ष
ठाकरेंच्या शिवसेने पेण विधानसभेचे समन्वयक शिशिर धारकर यांनी राजीनामा दिला आहे. शिशिर धारकर पेण विधानसभेसाठी इच्छुक होते. राजीनामा देण्यासाठी अनंत गिते कारणीभूत असल्याच शिशिर धारकर यांचं म्हणणं आहे. जानेवारी 2024 पासून ठाकरे गटाचे नेते अंनत गिते यांच्या सांगण्यावरून मला स्थानिक पदाधिकारी बाजूला करत असल्याचा शिशिर धारकर यांचा आरोप आहे. शिशिर धारकर यांनी शिवसेना उध्दव बाळासाहेब ठाकरे गटात ऑगस्ट 2023 मध्ये प्रवेश झाला होता. शिशिर धारकर हे पेण अर्बन बँकेच्या घोटाळ्याचे मुख्य आरोपी आहेत. 23 सप्टेंबर 2010 ला पेण अर्बन बँकेच्या आर्थिक व्यवहारांवर रिझर्व्ह बँकेने निर्बंध घातले, सातत्याने ऑडीट रिपोर्टमध्ये अ वर्ग मिळवणारी ही बँक एकाएकी अडचणीत आली होती. बँकेच्या प्रकरणात शिशिर धारकर यांच्या समवेत बँकेच्या संचालक, मुख्य कार्यकारी अधिकाऱ्यांवर गुन्हा दाखल करण्यात आला. या प्रकरणाची सुनावणी सध्या सुरु असून शिशिर धारकर हे मुख्य आरोपी आहेत.
9 Nov 2024, 07:31 वाजता
मुंबई-पुणे एक्स्प्रेस-वेवर भीषण अपघात! बस ट्रकवर आदळली; 15 जखमी, 8 गंभीर
मुंबई-पुणे एक्स्प्रेस-वेवर खाजगी बसचा भीषण अपघात झाला आहे. खोपोलीजवळ पहाटे 4 वाजता ही दुर्घटना घडली. अपघातात 15 जखमी प्रवासी पैकी 8 जणांची प्रकृती गंभीर आहे. कोल्हापूरकडून मुंबईकडे जाताना या बसचा अपघात झाला. मुंबईकडे जाणाऱ्या मार्गिकेवर उभ्या असणाऱ्या ट्रकवर बस आदळून अपघात झाला. बोरघाट पोलीस, खोपोली पोलीस, आय आर बी यंत्रणा, देवदूत यंत्रणा, वाहतूक पोलीस अपघात ठिकाणी दाखल झाले आहेत. गंभीर जखमींना मुंबई येथील रूग्णालयात उपचारार्थ हलवण्यात आलं आहे. या अपघातामुळे काही काळासाठी वाहतूक विस्कळीत झाली होती. अपघातग्रस्त वाहने बाजूला काढण्याच्या काम सुरु आहे.
