'आज के शिवाजी- नरेंद्र मोदी' पुस्तकावरुन नव्या वादाला सुरुवात
भाजप मुख्यालयात भाजपचे राष्ट्रीय सरचिटणीस शाम जाजू यांच्या हस्ते या पुस्तकाचं शनिवारी प्रकाशन
)
मुंबई : भाजप नेते जय भगवान गोयल यांनी पंतप्रधान नरेंद्र मोदी हे आजचे छत्रपती शिवाजी महाराज असल्याचं म्हटलं आहे. त्यांच्या पुस्तकाच्या नावावरुवन आता पुन्हा एका नव्या वादाला तोंड फुटलं आहे. भाजप नेते जयभगवान गोयल यांच्या 'आज के शिवाजी नरेंद्र मोदी' नावाच्या पुस्तकानं नवा वाद निर्माण झाला आहे. भाजप मुख्यालयात भाजपचे राष्ट्रीय सरचिटणीस शाम जाजू यांच्या हस्ते या पुस्तकाचं शनिवारी प्रकाशन झालं.
या पुस्तकात मोदींची तुलना छत्रपती शिवाजी महाराजांशी करण्यात आली आहे. छत्रपती शिवाजी महाराजांचे वंशज आणि खासदार संभाजीराजेंनी या तुलनेबाबत नाराजी व्यक्त केली आहे. छत्रपती शिवाजी महाराजांची तुलना कुणाशीच होऊ शकत नाही असंही राजे म्हणाले आहेत.
आज @BJP4Delhi कार्यालय में आयोजित धार्मिक सांस्कृतिक सम्मेलन में मेरे द्वारा मा. श्री नरेन्द्र मोदी जी पर लिखि गई पुस्तक ‘‘आज के शिवाजी - नरेन्द्र मोदी’’ का विमोचन किया गया। @BJP4India @ManojTiwariMP @ShyamSJaju @MaheishGirri @blsanthosh @siddharthanbjp @JPNadda pic.twitter.com/VVCTQKdYFS
— Jai Bhagwan Goyal (@JaiBhagwanGoyal) January 11, 2020
काँग्रेसनंही या वादात उडी घेतली असून अशी तुलना निषेधार्ह असल्याची टीका सचिन सावंत यांनी केली आहे. भाजपनं या प्रकरणात वेगळी भूमिका घेतली आहे. पुस्तकाच्या माध्यमातून छत्रपती शिवाजी महाराजांचा अपमान करण्यात आलेला नाही अशी भूमिका भाजपनं घेतली आहे.
शिवसेनेचे खासदार संजय राऊत यांनी या पुस्तकावरुन थेट छत्रपतींच्या वंशजांनाच प्रश्न केला आहे. संजय राऊत यांनी म्हटलं आहे की, सातारा गादीचे वारसदार श्रीमंत ऊदयनराजे, श्रीमंत शिवेंद्रराजे, कोल्हापूरचे छत्रपती संभाजी राजे यांना हे मान्य आहे का? शिवरायांच्या वंशजांनो बोला..काहीतरी बोला.'
सातारा गादीचे वारसदार श्रीमंत ऊदयन राजे श्रीमंत शिवेंद्रराजे कोल्हापूरचे छत्रपती संभाजी राजे यांना हे मान्य आहे का?
शिवरायांचया वंशजांनो बोला..
काहीतरी बोला.. pic.twitter.com/FVZEOIkn8v— Sanjay Raut (@rautsanjay61) January 12, 2020
त्यानंतर छत्रपती संभाजी राजे यांनी देखील संजय राऊतांना कडक शब्दात उत्तर दिलं आहे.
उद्धव जी त्या संजय रौताच्या जिभेला लगाम घाला. प्रत्येक वेळी छत्रपती घरण्यावर गरळ ओकून राजकारण करतोय. त्याने आधी माहिती घ्यायला पाहिजे होती, की मी जिजाऊ जयंती, सिंदखेड राजा मध्ये काय बोललो आहे ते. त्याची मुजोरी सहन केली जाणार नाही.@OfficeofUT @AUThackeray @ShivSena
— Sambhaji Chhatrapati (@YuvrajSambhaji) January 12, 2020
ज्या पक्षाच्या कार्यालयात ह्या पुस्तकाचे प्रकाशन झाले, त्या पक्षाच्या अध्यक्षांनी ते पुस्तक तात्काळ मागे घ्यावे. नाहीतर त्याचे वेगळे परिणाम होतील. (2/2)https://t.co/h4oEZvO1oY
— Sambhaji Chhatrapati (@YuvrajSambhaji) January 12, 2020
नेत्यांचं कौतुक करणं यात गैर नाही. पण कौतुक करण्याच्या नादात कुणाच्या भावना दुखावणार नाही याची काळजी घ्यायला हवी अशी अपेक्षा शिवप्रेमींमधून व्यक्त केली जाते आहे.